إيهاب توفيق: من عارض رفعي للآذان وقع في خطأ كبير

[ehab-fan]

أعلن المغني إيهاب توفيق عن سعادته بتجربة رفعه للآذان وتسجيله بصوته مشيرا إلى أنه لا يرى أي حرمانية في ذلك.

قال توفيق: "لا أعتقد أني سأواجه لوما من أحد لتسجيلي للآذان، بالعكس أراها خطوة إيجابية، طالما أن صوتي قادر على رفع الآذان، وأعتقد أن ما قمت به فيه ثواب لي"، حسب صحيفة "وشوشة".

تابع: "ومن يعارض ذلك يقع في خطأ كبير والله أعلم، ولابد أن أقول الله أعلم لأن ما أقوله نابع عن قناعتي الشخصية، وللعلم لي أصدقاء كثيرين من رجال الدين والفقهاء الذين يستشيرهم كثيرين في جميع الأمور الدينية والدنيوية، ولم يعلق أحد منهم على ما قمت به، أو وصفوه بالحرمانية".

يذكر أن قناة "النهار" تذيع الآذان بصوت إيهاب توفيق منذ بداية رمضان 2011.

ومن ناحية أخرى، أصدر إيهاب مؤخرا ألبوما دينيا بعنوان "ارحنا يا بلال" الذي يتضمن 13 أغنية، وصور منه 6 أغاني في أوكرانيا، والألبوم كله من كلمات وائل الغرياني وألحان أشرف سالم وتوزيع أنور عمرو.

http://www.filfan.com/News.asp?newsid=21905

[Haroon ©]

أنا مش شايف فيها مشكلة انه يرفع الاذان
صوته كان جميل وخطوة كويسة

[الزهرة الجميلة]

حاجة كويسة وهتبقا صدقة جارية ليه ربنا يتقبلها منه وتبقا ليه هداية يارب

[elmohandies]

يسال حد فاهم فى امور الدين الاول

[mnoso90]

سمعته بصوته
حاسس انه بيغني مش بيأدن
غير كده وهو بيقول اشهد انا محمد رسول الله
بيقولها اشهد انا محمدنننننننن رسول الله
وسمعت ان دا غلط
المفروض ميبينش التنوين

[Eslam Karate]

يا ايهاب اقعد فى جمب بقى شويه
كفايه خوته

[miss_egy]

سمعته بصوته
حاسس انه بيغني مش بيأدن
غير كده وهو بيقول اشهد انا محمد رسول الله
بيقولها اشهد انا محمدنننننننن رسول الله
وسمعت ان دا غلط
المفروض ميبينش التنوين

انا اللى اعرفه برضه ان الاذان بيبقى ليه قواعد وحاجات محددة ... يعنى سمعت مرة ان الخطأ فى نطق الحرف بيبوظ الدنيا ... انا مسمعتش الاذان بصوته الصراحة بس مش ممانعه الفكره وماله لما يرفع الاذان..لكن لو بيرفعه بشكل غنائى وبيطول فى الحروف عشان يبرز صوته اكيد هيقع فى اخطاء .... والله اعلم برضه

[mohasab]

معجبنيش خالص وكان كله اخطاء كتير كان لازم يعرف الاول ويسأل قبل مايعمل حاجة ميعرفهاش اظهاره لنون التنوين في " محمدا " بشكل مبالغ فيه جدا جدا والوقوف عليها وقت كبير جدا مع ان حكم نطقها هو ادغامها مع راء " رسول " وبدون غنة كمان فصله " ان " عن " لا " في " اشهد ألا " غلط المفروض طريقة نطقها الصحيحة زي نون التنوين في " محمدا " برده لان بعدها حرف اللام واللام والراء بعد التنوين او النون الساكنة بتاخد نفس الحكم " الادغام بغير غنة " ووقوفه الطويل علي اللام كمان اضافة كمان لتطويلة الزائد جدا في المدود حتي لو عاوز يجيب فيها نغمة ميبقاش علي حساب النطق اضافة لمخارج الحروف كلها ضايعة عنده خالص وبالذات الحروف المفخمة بينطقها بطريقة مرققة واضحة
جدا اي حد سهل يلحظها .

خلاصة الكلام ان ايهاب كان لازم يدرس الخطوة دي كويس قبل مايعملها ومش عيب اني اتعلم حاجة معرفهاش بلكن العيب اني اعمل الحاجة وانا مش فاهم قواعدها لما اعمل حاجة لازم ادرس كل شيء متعلق بيها عشان يبقي شغلي في النهاية 10/10 وايهاب استسهل جامد في النقطة دي

[shrouk]

مش شايفة فيها حاجة هو عمله كويس وكان صوته حلو فيه و ربنا يجازيه خير

[Ahmed.Taha]

ما يروح كمان بقى يقرأ القرآن بصوته و يعمل دعاء ختم القرآن بصوته
ما هي اصلها بقت سمك لبن تمر هندي
اللي عايز يغني يغني و اللي عايز يغني و يأذن يعنل ده و فاكرها نصاحة و لا زيادة شهرة

[ehab-fan]

منورين كلكم و مهما اختلفت الاراء
ربنا يجعله في ميزان حسناته ان شاء الله

[M07amed 3li]

تجربة فاشلة

[Mustapha]

معجبنيش خالص وكان كله اخطاء كتير كان لازم يعرف الاول ويسأل قبل مايعمل حاجة ميعرفهاش اظهاره لنون التنوين في " محمدا " بشكل مبالغ فيه جدا جدا والوقوف عليها وقت كبير جدا مع ان حكم نطقها هو ادغامها مع راء " رسول " وبدون غنة كمان فصله " ان " عن " لا " في " اشهد ألا " غلط المفروض طريقة نطقها الصحيحة زي نون التنوين في " محمدا " برده لان بعدها حرف اللام واللام والراء بعد التنوين او النون الساكنة بتاخد نفس الحكم " الادغام بغير غنة " ووقوفه الطويل علي اللام كمان اضافة كمان لتطويلة الزائد جدا في المدود حتي لو عاوز يجيب فيها نغمة ميبقاش علي حساب النطق اضافة لمخارج الحروف كلها ضايعة عنده خالص وبالذات الحروف المفخمة بينطقها بطريقة مرققة واضحة
جدا اي حد سهل يلحظها .

خلاصة الكلام ان ايهاب كان لازم يدرس الخطوة دي كويس قبل مايعملها ومش عيب اني اتعلم حاجة معرفهاش بلكن العيب اني اعمل الحاجة وانا مش فاهم قواعدها لما اعمل حاجة لازم ادرس كل شيء متعلق بيها عشان يبقي شغلي في النهاية 10/10 وايهاب استسهل جامد في النقطة دي

ربنا يفتح عليك

[-=G h o s T =-]

ربنا يجازيه كل خير حتي لو كان فيه اخطاء
مش حنختلف انها محاوله جميله منه
وربنا يجعلها في ميزان حسناته ان شاء الله

[mimoSeVeN]

بصراحة انا مسمعتوش
بس عموما هى خطوة كويسة منه
ربنا يجازيه كل خير

[johnny depp]

مسمتوش الصراحة بس هى خطوة كويسة