المواقع الإباحية & الخمور

[Ossamaa]

اولا بعتذر على عنوان التوبيك لكن بجد دى حاجة محيرانى اوى
هما استفسارين عايز ارائكم فيهم
اول حاجة كان واحد لسه قايلى ان الصين وايران وكذا بلد عملت حظر للدخول للمواقع الاباحية
فا قلتله طب ومصر قالى ف ايديها طبعا انها تعمل كده بس هيا ما تقدرش لان احنا فى دول تانية عايزة تضيع شبابنا
قلتله يعنى الصين اللى ماعندهاش دين تعمل كده واحنا لا قالى اه
ومش بس كده دول الخليج تقريبا كمان
بجد حاجة تشل الواحد
--------------------------------------
تانى حاجة دلوقتى ضرر الخمرة والمخدرات واحد
والاتنين حرام شرعا
والاتنين بيدمروا
طب ليييييييييييييييييييه ؟؟؟؟؟
الدولة مانعة المخدرات وبتدى عقوبات عليه
ولييييييييييه بقى الخمرة عادى كده مرخصة ومحلاتها كترت والناس بتقف تشترى وتبيع عينى عينك كده
يا ريت حد يجاوبنى على الاستفسارين دول
وشكرا

[cristiano™]

تانى حاجة دلوقتى ضرر الخمرة والمخدرات واحد
والاتنين حرام شرعا
والاتنين بيدمروا
طب ليييييييييييييييييييه ؟؟؟؟؟
الدولة مانعة المخدرات وبتدى عقوبات عليه
ولييييييييييه بقى الخمرة عادى كده مرخصة ومحلاتها كترت والناس بتقف تشترى وتبيع عينى عينك كده
يا ريت حد يجاوبنى على الاستفسارين دول
وشكرا

ده لان دولتك المفروض دوله سياحيه
ولو منعت الخمور ... السياحه هتنضرب
تانى حاجة انت عندك المسيحين بيشربوا الخور والبيرا عادى فميقدروش يمنعوها
واقرب مثال على كده
فى كليه الشرطه
بيعملولهم تحليل للحشيش
لكن مبيعملوش تحليل للبيره او الخمره

[Ossamaa]

ده لان دولتك المفروض دوله سياحيه
ولو منعت الخمور ... السياحه هتنضرب
تانى حاجة انت عندك المسيحين بيشربوا الخور والبيرا عادى فميقدروش يمنعوها
واقرب مثال على كده
فى كليه الشرطه
بيعملولهم تحليل للحشيش
لكن مبيعملوش تحليل للبيره او الخمره[/center]

طب والمواقع الاباحية ؟

[Geee]

المواقع الاباحيه دى ممنوعه فعلا فى السعوديه و الصين و ايران
انما هنا مش هيبقى لا جواز ولا مواقع اباحيه
اعتقد هو ده راى الجكومه الموقره اللى بتحب الشباب و بتساعدهم على كل حاجه حلوه
حكومه مسهلالك الخمره و الاباحيه احمد ربنا يا اخى انت مش حاسس بالنعمه اللى غيرك بيتمناها

[USERNAME]

والله بصرف النظر عن الموضوع ان دولتنا سياحيه

وان فى كتير اوى من فنادق مصر بيحصلوا على 7 نجوم من خلال ترخيص الخمور وكده

بس انا شايف ان انت قالب الموضوع شويتين

طيب ما كان الاحسن ان انت تقول اننا نعلم الاؤلاد.... ان الحاجتين دول حرام
ويبقى فى رقابه مننا على اولادنا باستمرار
وميبقاش فى مشاهد فى السينما عن البطل بيشرب خمره او سجاير

لان ده موضوع بيبهر ناس كتير جدا وبيخليهم يروحوا للطريق ده


ونصعب الموضوع شويتين
يعنى يبقى من الصعب اعطاء محلات الخمور التصريحات ونقتصرها بس

على شرم الشيخ والغردقه والمناطق السياحيه فى الجمهوريه

وطبعا فى بعض المحلات
بس مش كل المحلات تحصل على الترخيص محلات معينه فقط وتبقى بتتاكد من هويه الشاب قبل الموضوع ده

وعلى فكره موضوع ان المواقع الاباحيه فى دول الخليج مقفول بايد الدوله

دى مش حاجه حلوه اوى دول بيلجاو لطرق تانيه بتبقى اخطر وبتبقى مصايب اكتر بكتير من الموضوع بتاع
المواقع او كده

[AhMed KaDEaM]

والله يامعلم الناس المسؤالة عن الحجات دى انها تتمنع
مبيفكروش بطرية دينية او اخلاقية تفكير الناس دى مادى طبعا
انا مش عارف ازاى مصر دولة تعتبر اسلامية او المفروض انها متدينة مع ان احنا بعدنا عن ربنا جداا
عشان كدة ربنا مخلينا فى غفلة رهيبة كلة بقى عاوز يقتل التانى ويسرق التانى من امتة مصر كانت كدة
اى حد مسؤال عن الموضوع الى انتا كتبة دة ملهوش ان الموضوع دة حرام ولا حلاال يهمة الفلوس الى بيجى من ورها مصالحهم الشخصية تقريبا عاوزنها جهنم

شكراا ليك

[نوران]

موضوعك مهم وجامد جدا على فكره احييك عليه
بالنسبة للحاجتين دول اكتر حاجتين بتضيع الشباب فعلا
وياريت يكون في دور من الدولة للرقابة على الاشياء دي
يعني مثلا انا مش فاهمه ليه زي الدولة ماهي بتكافح المواقع الارهابية على الانترنت
وان مصر عضو اساسي في منظمة مكافحة الارهاب وبالتالي اي شخص يشتبه فيه
بيدخل على المواقع الارهابية وبيمولها او بيدعمها بيتمسك علطول وبتتعمل له قضية ارهاب
طيب اشمعنا مفيش نفس الرقابة دي وبالشكل ده على المواقع الاباحية
والارهاب مش اخطر من الاباحيه
لا بالعكس ده المواقع الاباحيه خطرها اعظم لانها بتضيع شباب وجيل ناشئ
وبالنسبة لموضوع الخمور
والله لو هناخدها من ناحية اننا دولة اسلاميه فحرام حرام حرام بيع الخمور واعطاء التصريح ليها في اي مكان
سواء في المدن السياحية او غيرها
وده كبيره من الكبائر بياخد وزرها كل واحد بيشترك فيها
بداية من صاحب المحل لحد البياع جوا
المحل لحد اللي بيساعد على نشرها وبيعطي ترخيص ليها
ومتفقة معاك جدا جدا في ان اشمعنى المخدرات بتعاقب عليها الدولة والخمور لا
مع ان الخمور مصيبة مش اقل من المخدرات
لان الخمور بتذهب العقل وممكن الانسان وهو سكران يعمل اي حاجه
يقتل او يسرق او يولع في بلد بحالها
يعني خطرها مش اقل من خطر المخدرات
يبقى ليه التناقض اللي موجود عندنا ده
ان الدولة تمنع المخدرات ومش تعاقب على الخمور وشربها
مع ان ضررها في اذهاب العقل واحد ؟

[نوران]

المواقع الاباحيه دى ممنوعه فعلا فى السعوديه و الصين و ايران
انما هنا مش هيبقى لا جواز ولا مواقع اباحيه
اعتقد هو ده راى الجكومه الموقره اللى بتحب الشباب و بتساعدهم على كل حاجه حلوه
حكومه مسهلالك الخمره و الاباحيه احمد ربنا يا اخى انت مش حاسس بالنعمه اللى غيرك بيتمناها

لا لا ايه الرد ده بس

[Diabology]

الحل موجود يا جميل لو عاوز تمنع فعلا المواقع الاباحية عندك
الحل هنا ف التوبيك ده

http://www.amrdiab.net/forum/showthread.php?t=15166

[Ossamaa]

الحل موجود يا جميل لو عاوز تمنع فعلا المواقع الاباحية عندك
الحل هنا ف التوبيك ده

http://www.amrdiab.net/forum/showthread.php?t=15166

يا حبيبى انا بتكلم ف نقطة تانية خالص
ابقى اقرا الموضوع كويس
انا ماقلتش عايز الغيها من عندى
انا بتكلم على حاجة تانية

[caspar]

اصبر بس كمان سنتين هتلاقى الحشيش فى المحلات زى اللبان والبانجو

[mostafa saad]

المواقع الاباحيه دى ممنوعه فعلا فى السعوديه و الصين و ايران
انما هنا مش هيبقى لا جواز ولا مواقع اباحيه
اعتقد هو ده راى الجكومه الموقره اللى بتحب الشباب و بتساعدهم على كل حاجه حلوه
حكومه مسهلالك الخمره و الاباحيه احمد ربنا يا اخى انت مش حاسس بالنعمه اللى غيرك بيتمناها

هههههههههههههههه
لا طبعا مش معاك المفروض يلغوا الكلام الفارغ اللى مودينا فى داهية ده

[Geee]

يا حبيبى انا بتكلم ف نقطة تانية خالص
ابقى اقرا الموضوع كويس
انا ماقلتش عايز الغيها من عندى
انا بتكلم على حاجة تانية

انت شجاع على فكره احييك

[Haroon ©]

المواقع الاباحيه دى ممنوعه فعلا فى السعوديه و الصين و ايران
انما هنا مش هيبقى لا جواز ولا مواقع اباحيه
اعتقد هو ده راى الجكومه الموقره اللى بتحب الشباب و بتساعدهم على كل حاجه حلوه
حكومه مسهلالك الخمره و الاباحيه احمد ربنا يا اخى انت مش حاسس بالنعمه اللى غيرك بيتمناها

وممنوعه في الكويت كمان

[Geee]

هههههههههههههههه
لا طبعا مش معاك المفروض يلغوا الكلام الفارغ اللى مودينا فى داهية ده

يا عم انا بتريق على الحكومه اللى فاتحه الكلام ده قدام اى حد عايز يتفرج

[AhmedMuhamedEs]

انا ماكنتش عارف ان مصر ممكن تمنع المواقع الاباحية الا النهاردة وزعلت لانها ممنعتهاش جدا لكن لما عرفت ان الصين والدول اللي بتعبد البقر منعتها و مصر المسلمة واللي وفيها الازهر اللي بيجي الناس من كل العالم يتعلموا فيه الاسلام ممنعتهاش اتشليت والله العظيم احنا ي جماعة المفروض نعمل مظاهرة نطالب فيها بمنع المواقع دي اللي بتدمر كل المصرين وبوظت اخلاقهم
لكن في مثل هذا الموقف ميتقالش غير
انا لله وانا اليه راجعون
لا حول ولا قوة الا بالله

[Eslam Fayez]

اصبر بس كمان سنتين هتلاقى الحشيش فى المحلات زى اللبان والبانجو

ده انا خايف انه يحصل بجد
مع اني متأكد 90% انه هيحصل قريب

[Enigmatic]

اولا مساء الانوار
بص ياسيدى اول حاجه المواقع الاباحيه
سيبك من الدوله والكلام ده لانه ولا هيقدم ولا هيأخر
المفروض الواحد شايف الوضع كده يعمل كنترول على نفسه ويعرف ان ربنا شايفه
لان طبعا الحاجات دى بتدخل تبع القاعده بتاعت الزنا وربنا يبعدنا طبعا
الدوله مش هتعمل حاجه لان ببساطه محدش من حكومتنا المصونه بيفكر ف مستقبل الشباب المصريين
خلاص بقى وضع ومش هتقدر تغيرو يبقى كل واحد يبتدى بنفسه ويقول لاء للمواقع الاباحيه

بالنسبه للخمور صعب انها تتلغى بسبب السياحه
بس اللى جننى انها مش بياخدوا عليها ضرايب ولا هى ولا السجاير
عشان بيقولك حرام
طب وهى الحكومه بتعمل ايه حلال بالرغم ان لو عليها ضريبه هتبقى ضريبه خياليه ومحدش يقدر يتوقع حجم الفلوس دى قد ايه
وانا بصراحه مع ده

تعالى بقى للمخدرات والكلام ده برضه مسئولية الشخص وليس الدوله
اه الدوله غلطانه بس محدش هيقدر يصلح ده الا لو جه حد يعرف معنى الاصلاح اللى بجد وجداد
الحشيش مفيش اكتر منه الناس بتعمل كباين وبتبيع فيها
وليه تسعيره والحكومه كمان بتحميهم
اه والله بتحميهم
انا اللى خايف منه بجد انهم ينزلوا الدعم على الحشيش
بحجة انه بينسى المواطن الفساد اللى موجود وبيخلى الناس تضحك

قول يارب
واعمل كنترول على نفسك لان بلدك وحكومتك مش خايفه عليك
خاف انت على نفسك

شكرا لموضوعك المهم ده

[MOSTAFA ELKING]

موضوع رائع بس هما عمرهم مهيمنعوها عوزين الشعب يتلهى فى اى حاجه يله حسبيا الله ونعم الوكيل

[AHMED HOSNY]

انما هنا مش هيبقى لا جواز ولا مواقع اباحيه

يايوفرولنا الكولا .. يأما سندوتشات الحلاوة بالقشطة

بموت فى صراحتك ياجيمى