PDA

View Full Version : المشروبات الغازيه أضرارها و فوائدها ... صدق أو لا تصدق



أمير العاشقين
07-12-2010, 05:32 AM
أنا كل أسبوع بعمل بحث عن شئ معين
و الإسبوع إللى فات عملت بحث عن المياه الغازيه و حبيت أفيدكم بيه لأنه موضوع خطير فعلاً
و أتمنى إللى يقرأ الموضوع يقرأه كامل
و أنا إختصرت كتير و جبت المختصر المفيد عشان بس ماطولش عليكم
لكنه طويل شويه و ياريت تقرأ الموضوع كامل على مره أو مرتين أو تلاته المهم تستفيد بيه

أولاً تاريخها
جوزيف برستلي الكيميائي الانجليزي الذي اراد في القرن السابع عشر تقليد مياه الينابيع الغازية لم يكن يعلم ان الامر سينتهي به الى اختراع الخلطة الاساسية للكولا. فهو كان يعتقد ان للمياه الغازية اثراً علاجياً. لذلك قام بإضافة الصودا والكربونات للماء. ومن بعدها تطورت صناعة المشروبات الغازية وتمت تحليتها بالمواد ذات النكهة وصنعت اول زجاجة كولا عام 1886م وكان ذلك في جورجيا بالولايات المتحدة الامريكية.

مكونات المياه الغازيه

تصنع المشروبات الغازية من الماء الذي تمت معالجته بطريقة خاصة مع غاز ثاني أكسيد الكربون، ومواد حافظة، وغازات ونكهات تعطيها الطعم المميز الذي يختلف من نوع لآخر حسب النكهة المضافة، و صودا و كربونات وأحماض مثل حمض الفوسفوريك، بالإضافة إلى مادة الكافيين، حيث تحتوي العبوة العادية (55ملغم تقريباً) أي ما يعادل الموجود في القهوة و بحتوى على حاجات تانيه مخبينها علينا إحنا مانعرفهاش .


******************************************
السكر فيها

العلبه الواحده تحتوى على عشره معالق سكر و عشره معالق كفايه لتدمير فيتامين ب

فيتامين ب بيلقب بفيتامين الجمال لأى شاب أو فتاه لأن

ب 5 وظيفته حمايه الجلد من الأمراض و تجاعيد الجلد و شيخوخه الجلد و تراكم الألوان و البقع و بيساعد على قوه و تماسك الشعر

ب 6 و ب 12 لحمايه الجهاز العصبى و بيساعد على التوازن و تقويه المناعه

ب 9 بيأخر شيب الشعر و بيضيف للجلد مظهر براقاً وجذاباً

المجموعه دى إللى أعرف وظائفها

يعنى هيجيلك صداع و أرق و تشنجات بسسب الجهاز العصبى إللى بيتأثر
و جمسمك هيضعف

و أكيد لما يحطو عشر معالق سكر و الزجاجه تتباع بهذا السعر يبقى السكر من أردئ أنواع السكر

ملاحظه مهمه جداً أى منتج يقولك من غير سكر أعرف أنه بيحتوى على الإسبرتيم
******************************************
الإسبرتيم

هو منتج كيميائى سام بدرجه كبيره مصنوع من قبل شركة مونسانتو
و قد تم تسويقه كمنتج بديل للسكر يساعد على النحافه لكنه العكس يجعلك أكثر بدانه
كما إنه يغير العمل الكيميائى للدماغ
و أيضاُ قاتل لمرضى داء الباركنسون و الشلل الرعاشى

يوجد فى المنتجات الخاليه من السكر لإضافه الطعم الملائم
يوجد فى مشروبات الدايت و الحلويات المجمده
و أى منتج يحتوى على سكر إما ملح إما اسبرتيم

و إياك تشرب دايت قبل الإمتحان
لأن الإسبرتيم

يؤثر على كل وظائف جسم الإنسان وخاصة

الدماغ..لأنه يفقدك التركيز في الامتحان ومع

العلم في بريطانيا 98% من الشباب يشربون

مشروبات غازيه واكثرهم يشربون دايت

الإسبرتيم يسبب فقدان الذاكره التدريجى و تصلب الأنسجه المضاعف و داء الذئبه الجلدى
الإسبرتيم يحتوى على الميثانون أى الكحول أى الخمره
*******************************************

وهم الهضم

طبعاً المياه الغازيه تحتوى على غاز ثانى أكسيد الكربون
يعنى بيبطل دور اللعاب فى عمليه الهضم
الإنسان بعد مابياكل طبعاً اللعاب إللى بيفرز فى الفم أنت كل شويه بتبلعه ده بيساعد على الهضم و عشان يساعد على الهضم لازم يوصل للطعام
عشان كده بيقولك ماتشربش ماء بعد الأكل لأن الماء بعد الأكل بيمنع وصول اللعاب للطعام فتشعر بعسر فى الهضم

و كذلك ماتشربش مياه غازيه لأنها مش بتمنع وصول اللعاب للأكل ده بتبطل دور اللعاب نفسه
و المعده بتفرز أنزيمات للهضم برضو ثانى أكسيد الكربون بيبطلها
و غاز ثانى أكسيد الكربون كلإللى بيعمله بيوسع المعده و بيخلى الأكل ينزل عنوه بدون عميله طبيعيه للهضم

جسم الإنسان عشان يهضم الأكل لازم تكون درجه حرارته 37 درجه مئويه
فالمياه الغازيه بتجعل درجه حرارته أقل من كده ممكن توصل للصفر حتى لو شربت مياه غازيه بعد الأكل بتشعر بالإسترخاء
فالطعام لا يهضم و يتعفن فى البطن و يكون الغازات السامه و تنتقل مع الدم لجميع الاعضاء

و بحتوى على كميات قليلة من أثيلين جيلكول الذي يقلل درجة تجمد الماء إلى ما تحت الصفر بأربع أو خمس درجات، وهذه المادة تعتبر إحدى السموم في الطب الشرعي إذا ما تناولت 4 لترات من الكولا فقد تفقد حياتك خلال ساعة واحدة

كان فيه مسابقه فى جامعه دلهى بالهند عن شرب أكبر كميه من البيبسى كولا الفائز شرب ثمانيه أكواب و توفى و ذلك لزياده غاز ثانى أكسيد الكربون فى الدم و صعوبه وصول الأكسجين و لأسباب آخرى أكيد
و من بعدها منع رئيس الجامعه دخول المياه الغازيه فى الجامعه
*******************************************

تأثيرها على العظام

طبعاً المياه الغازيه تحتوى على أحماض فسفوريه بتؤدى إلى هشاشه العظام

معدل الحموضه فى المياه الغازيه بيصل لنسبه 3 و 4 و هذه الدرجه كافيه لإذابه الأسنان و العظام مع مرور الوقت
الإنسان بعد سن ال 30 يتوقف عظامه عن النمو و يبدأ فى التحلل بنسبه من 8 إلى 18 فى المئه و ذلك على حسب كميات الحموضه التى تراكمت فى الجسم قبل ذلك من خلال طعامنا

نسبة هذه الأحماض لا تعتمد على مذاق طعامنا ولكنها تعتمد على نسبة كل من البوتاسيوم ، الكلور ، المنغنيز ، وغيرهم إلى الأملاح الفسفورية .

و طبعاً الكاليسوم بيدوب و بتراكم فى العروق و خلايا الجلد و الأعضاء الحيويه مما يؤثر على الكلى و يسبب حصوه الكلى

- تحتوي على أحماض الفوسفوريك والماليك والكاربونيك التي تسبب تآكل طبقة المينا الحامية للأسنان .

تجربه حدثت و تستطيع تجربتها

وضع أحد الأشخاص سناً مكسوراً داخل زجاجة بيبسي وخلال عشرة أيام فقط كانت السنه قد تحللت !!!

الأسنان والعظام آخر ما يتحلل من جسم الإنسان بعد موته بعدة سنوات ولكن هذه المياه الغازية تذيبه خلال أيام قليلة ، فتخيل ماذا يمكن أن تفعله في باق الخلايا الطرية
لكن من رحمه ربنا علينا الإنسان الأعضاء فى حاله تجديد

************************************
تحتوى على الكافيين

الذى يوجد فى القهوه و يؤدى إلى زياده ضربات القلب و إرتفاع ضعط الدم و السكر و زياده الحموضه المعديه و زياده الهرمونات فى الدم قد يسسب إلتهابات و تقرحات للمعده و الإثنى عشر كما يعمل على ضعف ضغط صمام المرئ السفلى
مما يؤدى إلى إرتداد الطعام و الأحماض داخل المعده
************************************
علاقة المشروبات الغازية بالسرطان

منذ عام 1990م ظهرت وثائق تثبت تلوث بعض المشروبات الغازية بمادة البنزين والتي تعتبر احدى المواد المسرطنة.. وقد نسب ذلك الى تلوث ثاني اكسيد الكربون او الى تفاعل البنزوات مع الاسكوربيك اسيد وهي احد محتويات المشروبات الغازية.. في عام 2006 م نشرت وكالة المعايير الغذائية في بريطانيا دراسة استقصائية عن مستويات البنزين في المشروبات الغازية وقد وجدت 4 منتجات من اصل 150 منتجا تحتوي على نسبة بنزين أعلى من المستوى المحدد من قبل منظمة الصحة العالمية. رافقت ذلك عدة دراسات قامت بها هيئة الغذاء والدواء الامريكية على العديد من المشروبات الغازية المحتوية على البنزوات والاسكوربيك اسيد حيث بينت وجود مستويات البنزين مرتفعة اكثر من المستوى الذي حددته وكالة حماية البيئة.

تحتوي ايضا بعض المشروبات الغازية على مادة الكينين على هيئة دايهيدروكلوريد او سلفات والتي تتفاعل مع اشعة الشمس خاصة مع الزجاجات الشفافة حيث تعمل المواد المتحللة من ذلك المركب كمواد مسرطنة.

***********************************
فوائد المياه الغازيه

اسكب علبة كوكاكولا في المرحاض واتركها لمدة ساعة واحدة ثم اسحب السيفون ستلاحظ أن جميع البقع قد زالت وذلك أن حامض الستريك قد أزالها بفعالية قوية .

- لإزالة الصدأ عن صدام سيارتك أو عن صامولة صدئة أفرك ما تريد تنظيفه بقطعة قماش مبللة بالكوكاكولا وستقوم الكوكاكولا بالمهمة .

- لتنظيف أصابع البطارية من التآكل اسكب علبة كوكاكولا على أصابع البطارية ولاحظ فقاعات الغاز وهي تعمل بفعالية على تفتيت التآكل وإزالته .

- لإزالة بقع الدهون عن الملابس أضف مقدار علبة كوكاكولا إلى مواد الغسيل ولاحظ اختفاء بقع الزيت .
*************************************
خلاصه الكلام

ربنا سبحانه و تعالى خلقنا من ماء و تراب أى من طين يعنى كل مكونات الإنسان موجوده فى التربه و الطعام إللى بنكله من فواكهه طبيعيه و خضروات و لحوم ربنا خلقها لينا
الفواكهه و الخضروات تمتص العناصر الغذائيه الموجوده فى التربه و نستفيد منها
و قلما تجد أضرار لهذه الأطعمه و إذا وجدت تجد أضرارها من كثرتها و على بعض المرضى لكنها مفيده للإنسان السليم

لكن مصنوعات الإنسان ضاره و مش مفيده حتى المياه الغازيه الأطباء بيسموها الأطعمه الفارغه لأنها مش بتحتوى على فيتامينات و لا معادن و لا شئ يفيد الجسم

إذا شعرت بالجوع لا تأكل خارج منزلك إلا للضروره و بعض الأطعمه... لا تنظر للأطعمه المحفوظه
و كمان المحلات التانيه لا تثق فيهم
أنا فى مره كنت رايح أكل كفته فى محل لقيت الراجل ماسك السيجاره فى إيده و بيحط إيده فى الكفته إتقرف و مشيت

و كمان فيه محل مشهور كلنا عارفينه اتمسك بلحوم فاسده إللى هو اسمه * كافر * ههههههههههههه

مافيش أضمن من بيتك

و إذا شعرت بالعطش خاصه فى الصيف لا تقبل على المياه الغازيه و لا العصائر التانيه المحفوظه لأنك ماتضمنهاش و أى مشروب محفوظ فى علب و أنت بتحبه إبحث عليه فى الجوجل وشوف أضراره
إشرب عصير قصب مصنوع قدامك و بدل ماتشترى عصائر أو إشرب ماء و إشترى فاكهه بدل العصير و استحمل العطش شويه لحد ماتوصل البيت و أعمل عصيرك بنفسك و فاكهه الأناناس بتروى العطش و جميله خاصه فى الصيف .


******************************
لكنى بتمنى أشوف فنان يقول أنا مش بعمل إعلان عن منتج إلا بعد ما أتأكد من صناعته
لكن هو فين الفنان ده

ياريت أى فنان قبل مايعمل إعلان عن أى منتج لازم يعرف إنه بيوصل للإنسان رساله لأنه بيأثر على محبيه
لكنك لازم تعرف إنك بتقدم لمحبيك سموم و أضرار

لا إله إلا الله
******************************
أتمنى أكون أفدكم
جزانى الله خير
قولو أمين

أمير العاشقين
07-12-2010, 05:40 AM
معلومه كمان نسيت أضيفها

أيضاً وأستطيع أن أتحدى أي فرد يمكن أن يجزم بحقيقة المكونات ‏الأساسية للمياه الغازيه .

مشروب القوه ماونتن ديو

‏المثير في الموضوع أن شركة بيبسي العالمية ‏اشترت عام 1964 خطوط إنتاج مشروب ‏غازي آخر هو ( ماونتن ديو ) الذي غزا الأسواق ‏المصرية والعربية مؤخراً وتحمل ‏إعلاناته شعار ( مشروب القوة ) ( قوي قلبك ) مع ‏ماونتن ديو

وبالبحث في تاريخ ‏صناعة هذا المشروب الذي تنتجه شركة
Tip Corporation Of Americaنجد أن أول ما ‏فعلته شركة بيبسي هو تغيير الشكل الخارجي ‏للعلب والزجاجات التي تحوي مشروب ‏ماونتن ديو.


وكان تصميم الزجاجة يعتمد على إحدى ‏الشخصيات الكرتونية في ذلك ‏الوقت وهو
( هيل بيلي ( وبجانبه صورة خنزير صغير ‏ينظر لمحتويات الزجاجة ‏المكتوبة.
فما كان من الشركة إلا أن حولت الخنزير الصغير ‏إلى خنزير آخر يضع يده ‏على فمه ضاحكاً وكان هذا تحت شعار( تغييرات الخنزير ‏لمشروب ماونتن ديو) ‏.
وبالدخول إلى الموقع الخاص بالشركة حالياً على الإنترنت ‏والمترجم إلى اللغة
‏العربية لبلدان الشرق الأوسط سنجد أن هذا الخنزير يختفي ‏تماماً سواء من على
‏شكل الزجاجة الرئيسي قبل شراء شركة بيبسي لها أو حتى بعد ‏التعديل الذي أجرته الشركة على ‏الشكل الخاص بالزجاجة عام 1965 وهو ما يطرح ‏العديد من علامات الاستفهام ؟؟؟؟؟؟؟‏المثيرة حول حقيقة هذا المشروب خاصة أن مشروب ‏ماونتن ديو كان يعرف عند ‏الأمريكيين بمشروب الخنزير ذو القدم المرفوعة.
ولنا أن نذكر أن أمعاء الخنزير ‏التي يستخرج منها الملين الحيواني و مادة
‏البيبسين ‏تحتوي على العديد من ‏المواد المسرطنة التي تساعد على انتشار سرطان القولون ‏والمستقيم والبروستاتا ‏والرحم والمرارة والثدي والبنكرياس.
وإذا كان البيبسي هو المشروب المفضل ‏لدى الكثيرين فإن الهنود استخدموه في
‏محاربة آفات المحاصيل الزراعية لأنه أرخص ‏بكثير عن المنتجات الكيميائية
‏لكبريات شركات المبيدات الحشرية!!!!

EmadElshamy
07-12-2010, 05:49 AM
والله موضوع تحفة و بجد شكرا علي البحث المفصل ده

أمير العاشقين
07-12-2010, 05:54 AM
والله موضوع تحفة و بجد شكرا علي البحث المفصل ده

ربنا يخليك
بس ربنا يخليك إقرأه كله عشان تستفيد و تفيد الناس

EmadElshamy
07-12-2010, 06:01 AM
Sure i read it all :)

Eng Prodigy™
07-12-2010, 06:43 AM
سبحان الله اول ماعمرو ساب بيبسي الكل طلع بابحاث ومواضيع تكره الناس فيه
مالناس كلها عارفه ان البيبسي مضر من زمان ومع ذلك العالم كله بيشربه


اتحداك انت نفسك انك بتشرب بيبسي وجميع انواع المشروبات الغازيه


كفايه ضحكتو الناس علينا

طيب ماعمرو بقاله سنين كان مع بيبسي اشمعنه الوقتي بس اول ماسابها البيبسي بقي مضر بالصحه في نظرك
اكيد لو عمرو طلع وقال انا هعمل اعلانات لكوكاكولا هتطلع بموضوع
كوكاكولا اكثر صحيه من بيبسي



:hmm:



مع العلم اني مش مع بيبسي الله يحرقها هي وامثالها كلهم انا بس مستغرب من بعض الناس
وطريقة تفكيرها

أمير العاشقين
07-12-2010, 06:49 AM
سبحان الله اول ماعمرو ساب بيبسي الكل طلع بابحاث ومواضيع تكره الناس فيه
مالناس كلها عارفه ان البيبسي مضر من زمان ومع ذلك العالم كله بيشربه


اتحداك انت نفسك انك بتشرب بيبسي وجميع انواع المشروبات الغازيه


كفايه ضحكتو الناس علينا



:hmm:


مع العلم اني مش مع بيبسي الله يحرقها هي وامثالها كلهم انا بس مستغرب من بعض الناس

أولاً أنا والله مابشربه
أنا كنت بشربه لكن مبطله من زمان

ثانياً أنا مش هرد أكتر من كده
لأن أنا لما كنت منسجم معاكو فى الكلام
كنت ناسى حاجه

لا تخاطب ..... فقد يختلف الناس فى التفريق بينكما

Eng Prodigy™
07-12-2010, 06:51 AM
أولاً أنا والله مابشربه
أنا كنت بشربه لكن بطله من زمان

ثانياً أنا مش هرد أكتر من كده
لأن أنا لما كنت منسجم معاكو فى الكلام
كنت ناسى حاجه

لا تخاطب ..... فقد يختلف الناس فى التفريق بينكما



احس برضه لان الكلام مات من زمان

FaRo2
07-12-2010, 07:40 AM
سبحان الله اول ماعمرو ساب بيبسي الكل طلع بابحاث ومواضيع تكره الناس فيه

مالناس كلها عارفه ان البيبسي مضر من زمان ومع ذلك العالم كله بيشربه


اتحداك انت نفسك انك بتشرب بيبسي وجميع انواع المشروبات الغازيه


كفايه ضحكتو الناس علينا


طيب ماعمرو بقاله سنين كان مع بيبسي اشمعنه الوقتي بس اول ماسابها البيبسي بقي مضر بالصحه في نظرك
اكيد لو عمرو طلع وقال انا هعمل اعلانات لكوكاكولا هتطلع بموضوع
كوكاكولا اكثر صحيه من بيبسي



:hmm:



مع العلم اني مش مع بيبسي الله يحرقها هي وامثالها كلهم انا بس مستغرب من بعض الناس
وطريقة تفكيرها

مع احترامي لكلامك
هو عمرو دياب كل حاجه بيعملها صح ؟
مفيش انسان معصوم من الخطأ

طيب انا شايف ان عمرو دياب مع داعيته لبيبسي دي كانت غلط وغرضها الترويج لمصلحته ليس الا
وشرب البيبسي ايوة مضر سواء عمرو دياب عمل اعلان او معملش ساب بيبسي او مسبش

خد المعلومه زي ما هي كده عايز تعمل بيها انت حر مش عايز بردو انت حر
والناس مش بتضحك علينا علي فكره .. لأننا بنقول الصح
:rose:

Masa
07-12-2010, 07:51 AM
thanks 4 info

أمير العاشقين
07-12-2010, 07:53 AM
thanks 4 info

Amnesty

silkroad
07-12-2010, 10:03 AM
يالهوووووووووووووووى
انا بشرب حوالى تلات او اربع زجايج بيبس

johnny depp
07-12-2010, 10:31 AM
كل دة فى المحروقة دى

انا على فكرة بطلتها الحمد لله بس انا كنت مدمنها بطريقه زبالة

شكرا ليك على المعلومات ادى

أمير العاشقين
07-12-2010, 11:26 AM
يالهوووووووووووووووى
انا بشرب حوالى تلات او اربع زجايج بيبس

على فكره أنا جامع المعلومات دى من أكتر من موقع
و فيه حاجات ماقولتهاش

ياريت تبطلها وهتيجى معاك تدريجياً
لأن الأطباء بيقولوا ادمانها أخطر من إدمان السجاير

أنا مش بخوفك
لكن عايزك تبطلها

و أنت سنك صغير و الجسم فى حاله تجديد مستمر
و إن شاء الله نبطلها كلنا

أمير العاشقين
07-12-2010, 11:27 AM
كل دة فى المحروقة دى

انا على فكرة بطلتها الحمد لله بس انا كنت مدمنها بطريقه زبالة

شكرا ليك على المعلومات ادى


العفو

Earthvisitor
07-13-2010, 02:57 AM
مشكور جداً علي الموضوع القيم فعلاً :thumbs_up:

في معلومات انا أعرفها و في معلومات لأ

و انا لوحدي مبشربش الحاجات دى خالص .. لكن البيت عندي بيشربوه بشكل زى الإدمان بالظبط .. و بضطر احياناً إنى أشرب معاهم

نفسي أبطلها خالص و أخليهم هم كمان يبطلوها

شكلى هقعدهم يتفرجوا علي التوبك كلمه كلمه .. عشان يقتنعوا بالدليل الدامغ

بجد و الله مشكور :) .. و ياريت كل فنان يكون عنده ضمير فاللى بيعمله أياً كان إسمه

Ahlawy4ever
07-13-2010, 03:25 AM
وانا اللى كنت فاكر انها بتجيب هشاشه عظام بس :blink:
شكرا ليك على المعلومات القيمه دى

hazem mezo
07-13-2010, 03:44 AM
:shocking::shocking::shocking:
:ohmy::ohmy::ohmy:
ايه كل دة
الحمد لله انى بطلتها

أمير العاشقين
07-13-2010, 07:48 AM
مشكور جداً علي الموضوع القيم فعلاً :thumbs_up:

في معلومات انا أعرفها و في معلومات لأ

و انا لوحدي مبشربش الحاجات دى خالص .. لكن البيت عندي بيشربوه بشكل زى الإدمان بالظبط .. و بضطر احياناً إنى أشرب معاهم

نفسي أبطلها خالص و أخليهم هم كمان يبطلوها

شكلى هقعدهم يتفرجوا علي التوبك كلمه كلمه .. عشان يقتنعوا بالدليل الدامغ

بجد و الله مشكور :) .. و ياريت كل فنان يكون عنده ضمير فاللى بيعمله أياً كان إسمه

ههههههههههههههههه
أنا لما كنت مبطلها فى الأول
كنت لما بقعد فى كافتيريا بلاقى الناس حواليا بشربو أشكال مختلفه من المياه الغازيه خاصه فانتا تفاح كانت بتغرينى قوى
لكن كنت بستحمل لحد دلوقتى مابقيت أتقرف منها

و ربنا يكرم و تبطلها ومع أهلك إن شاء الله

أمير العاشقين
07-13-2010, 07:50 AM
وانا اللى كنت فاكر انها بتجيب هشاشه عظام بس :blink:
شكرا ليك على المعلومات القيمه دى


الشكر لله
و خلى بالك

أمير العاشقين
07-13-2010, 07:52 AM
:shocking::shocking::shocking:
:ohmy::ohmy::ohmy:
ايه كل دة
الحمد لله انى بطلتها

الحمد لله

silkroad
07-14-2010, 03:07 PM
على فكره من تاريخ البوست ده وانا بطلت اشربها

ScorpioN™
07-14-2010, 03:16 PM
شكــر ليك على الكلام الجامد ده :yes:
الحمد لله انا بطلت اشرب المياة الغازية
كوكاكولا - بيبسي ... الخ
من حوالى سنتين كده علشان بتتعت لي جنبي
وقاولونى .. و الدكتور قالي ما تشربش بيبسي
لانها بتضر القاولون و بتسبب في غازات
داخل المعدة وغير كده بتضر بالكلية
وبتزود نسبة الاملاح و بلاوي تانية :no:
والحمد لله بطلت اشربها
:rolleyes:
انا دلوقتى بشرب بريل شعير :thumbs_up:
مع ان طعمه لا يطاق بس مالوش حل
هو او بريل فيروز برضه
:thumbs_up:

..

شكـرا ليك مرة تانية على التوبيك الجميل
:)

Tato
07-14-2010, 03:29 PM
انت لو متأكد م المعلومات دي يبقي انا كده انتهت صلاحيتي من زمان :rofl: ..
ده انا مدمن حاجه ساقعه :blink: ..0

silkroad
07-14-2010, 03:38 PM
انت لو متأكد م المعلومات دي يبقي انا كده انتهت صلاحيتي من زمان :rofl: ..
ده انا مدمن حاجه ساقعه :blink: ..0



طيب البقايه فى حياتك يا ريس

Tato
07-14-2010, 03:46 PM
طيب البقايه فى حياتك يا ريس


:D:rofl:

أمير العاشقين
07-14-2010, 08:59 PM
على فكره من تاريخ البوست ده وانا بطلت اشربها

طب الحمد لله
إستمر يا بطل
كل ماتحس إنك عايز تشربها شوف إيه أكتر حاجه بتحبها من العصائر و خليها بديل للمياه الغازيه لحد ماتتعود على إنك ماتشربهاش

أمير العاشقين
07-14-2010, 09:10 PM
شكــر ليك على الكلام الجامد ده :yes:
الحمد لله انا بطلت اشرب المياة الغازية
كوكاكولا - بيبسي ... الخ
من حوالى سنتين كده علشان بتتعت لي جنبي
وقاولونى .. و الدكتور قالي ما تشربش بيبسي
لانها بتضر القاولون و بتسبب في غازات
داخل المعدة وغير كده بتضر بالكلية
وبتزود نسبة الاملاح و بلاوي تانية :no:
والحمد لله بطلت اشربها
:rolleyes:
انا دلوقتى بشرب بريل شعير :thumbs_up:
مع ان طعمه لا يطاق بس مالوش حل
هو او بريل فيروز برضه
:thumbs_up:

..

شكـرا ليك مرة تانية على التوبيك الجميل
:)


فى كل مره تشرب فيها المياه الغازيه بتؤدى المواد الكيميائيه لعمليه كشط فى جدار المعده و مع مرور الوقت بتسبب تقرحات و إلتهابات و تضعف عضلات المرئ
و بتضر بالكليه لأن الأحماض بتحل حل الكاليسوم فى العظام و الكالسيوم لما ينطرد بيتراكم فى الشرايين و الأورده و
الجلد و أعضاء الجسم و بعدين تؤثر فى وظائف الكلى و تعمل حصوات
و بيضر بالقولون طبعاً لأن القولون بيتأثر بالضغوط

أما بخصوص البريل ماعرفش عنه لدرجه إنى أتكلم عليه

و ربنا يخليك العفو

أمير العاشقين
07-14-2010, 09:12 PM
انت لو متأكد م المعلومات دي يبقي انا كده انتهت صلاحيتي من زمان :rofl: ..
ده انا مدمن حاجه ساقعه :blink: ..0


الكلام ده كله مجمعه من أكتر من موقع و كمان فيه حاجات كتير ماقولتهاش
لكن إن شاء الله تبطلها
و الجسم مع الوقت بيرجع لطبيعته

♥Abeer♥jordan♥
07-14-2010, 09:15 PM
انا عارف مضارها وسيئاتها وبتعمل ايه في جسم الانسان
بس صعب عليا اسيبها دا بقت عندي زي الادمان
قال وانا اللي بدرس تخصص طبي ولازم ابقى قدوة لغيري
دا علمت البيت كله عندي عليها
http://forums.graaam.com/up/uploaded18/492595_01248605394.jpg

أمير العاشقين
07-14-2010, 09:23 PM
انا عارف مضارها وسيئاتها وبتعمل ايه في جسم الانسان
بس صعب عليا اسيبها دا بقت عندي زي الادمان
قال وانا اللي بدرس تخصص طبي ولازم ابقى قدوة لغيري
دا علمت البيت كله عندي عليها
http://forums.graaam.com/up/uploaded18/492595_01248605394.jpg

لا خير فى لذه يتبعها ندم
أنا هقولك حاجه ـ كتذكره مش أكتر ـ تخيل نفسك بعد كام سنه و أنت تعبان بسببها و أنت أكتر واحد متخيل التعب هيكون إزاى و المشكلات إللى هتواجها مش هتفتكر حتى طعمها اللذيد و لا طعمها الحلو ده هيهون عليك كمان ده أنت هتفضل تلعن فيها
بس إوعى تعود المرضى كمان عليها ههههههههههه

♥Abeer♥jordan♥
07-15-2010, 01:45 AM
لا خير فى لذه يتبعها ندم
أنا هقولك حاجه ـ كتذكره مش أكتر ـ تخيل نفسك بعد كام سنه و أنت تعبان بسببها و أنت أكتر واحد متخيل التعب هيكون إزاى و المشكلات إللى هتواجها مش هتفتكر حتى طعمها اللذيد و لا طعمها الحلو ده هيهون عليك كمان ده أنت هتفضل تلعن فيها
بس إوعى تعود المرضى كمان عليها ههههههههههه



هههههههههه لا صعب اوي اتركها صدقني حاولوا معايا كتير
وعلفكره انا دراستي في المختبرات الطبية والتحاليل
يعني مش هعلم المرضى عليهم ههه ما تخافش
ملاحظه :::
انا لاحظت انك بتكلمني بصيغة المذكر وانا انثى

أمير العاشقين
07-15-2010, 09:41 AM
هههههههههه لا صعب اوي اتركها صدقني حاولوا معايا كتير
وعلفكره انا دراستي في المختبرات الطبية والتحاليل
يعني مش هعلم المرضى عليهم ههه ما تخافش
ملاحظه :::
انا لاحظت انك بتكلمني بصيغة المذكر وانا انثى


سورى أنا ماخدش بالى من الإسم
لكن لو تلاحظى إنك فى بداية كلامك قولتى
أنا عارف مضارها و سيئاتها
لو كنتى كتبتى عارفه
ماكنش هيبقى فيه مشكله

أما بخصوص إنك مش عارفه تبطليها
ممكن تحاولى
لو كنتى بتشربى مثلاً أربعه فى اليوم
إشربى تلاته أو إتنين على متقسمين على مضار اليوم

و أسف لو كنت لحيت عليكى شويه إنك تبطليها
لكن هقولك فى الآخر
أنا مش إرادتك ... أنتى إللى تقدرى تتحكمى فى إرادتك

Cappo
07-15-2010, 10:27 AM
ومين قالك ان المعلومات ايلي علي النت كلها صحيحه


باختصار شديد و من غير الكلام الكبير المعقد ده .. الكوكا و البيبيسي وكل المياه الغازيه دي كل اضرارها الاساسيه علي الكلي لان شرب اكتر من ازازتين في اليوم بتضر بكليتك بلاس كمان ان كل المياه الغازيه بتعمل كرش .. حط فوق كل ده ان مالهاش اي فوايد تذكر ..


بعيد بقي عن الكلام المبالغ فيه زي امعاء الخنزير و الصودا الكاويه و الافلام دي .. عشان دي لو كانت حقيقه كان زمان الناس ماتت من 50 سنه مستريح


اخيرا انا عموما مبشربش اي مشروبات غازيه .. واغلب شربي لعصاير


شكرا ..

أمير العاشقين
07-15-2010, 01:57 PM
ومين قالك ان المعلومات ايلي علي النت كلها صحيحه


باختصار شديد و من غير الكلام الكبير المعقد ده .. الكوكا و البيبيسي وكل المياه الغازيه دي كل اضرارها الاساسيه علي الكلي لان شرب اكتر من ازازتين في اليوم بتضر بكليتك بلاس كمان ان كل المياه الغازيه بتعمل كرش .. حط فوق كل ده ان مالهاش اي فوايد تذكر ..


بعيد بقي عن الكلام المبالغ فيه زي امعاء الخنزير و الصودا الكاويه و الافلام دي .. عشان دي لو كانت حقيقه كان زمان الناس ماتت من 50 سنه مستريح


اخيرا انا عموما مبشربش اي مشروبات غازيه .. واغلب شربي لعصاير


شكرا ..

أنا أعرف حد قريب منى ممنوع عنه المياه الغازيه ـ الكليه عنده سليمه الحمد لله ـ لكن ممنوعه عنه عشان عنده ارتجاع فى المرئ و مشاكل فى المعده و القولون
و على حسب كلامك هى بتضر بالكلى لأن معدل الحموضه فيها عالى و الحموضه بتطرد الكالسيوم من العظام و الكالسيوم المطرود بيترسب فى العروق و خلايا الجلد فبيضر بالكلى و بيعمل حصوات عليها

لو تبص للأحماض و أضرارها بتؤدى لهشاشه العظام و ده بيظهر عليك بعدين و بتضر بالمعده و حاجات تانيه أنا معرفهاش

و لازم تعرف فى حياتك إن مافيش أى حاجه بتظهر على الشخص من مره واحده
هقولك على حاجه
أنت تعرف إن سيدنا محمد نهانا عن الأكل أو الشرب و أنت واقف
و لو عايز تعرف أضرار الأكل و الشرب واقفاً
إبحث عليها على الجوجل و أنت تعرف

طب ما كل الناس بتاكل و هى واقفه فى أوقات كتيره
و مش بيظهر عليهم من أول مره الآثار الضاره دى بتظهر مع الوقت

طبعاً مش هتقولى لو كان الكلام ده صحيح كانت الناس ماتت من زمان
لأ ده سيدنا محمد هو إللى قال كده نهانا عن الأكل أو الشرب واقفاً
إلا فى بعض الحالات الضروريه


بعيد بقي عن الكلام المبالغ فيه زي امعاء الخنزير و الصودا الكاويه و الافلام دي .. عشان دي لو كانت حقيقه كان زمان الناس ماتت من 50 سنه مستريح

و الله لو كانت الناس ماتت من زمان زى ما أنت بتقول على حسب الكلام ده كانت الأجانب هى إللى ماتت الأول


و لو ده رأيك
أحب أقولك الدليل ليس منتهى العلم
يعنى مش عشان جبتلى دليل و قولت لو كان كده كانت الناس ماتت من زمان يبقى أنت صح

طب المعلومات دى أنا عرفتها من مواقع كتيره ومن سمعى ليا أصحابى فى كليات طب
و كمان لو لاحظت الدكتوره إللى ردت عليا قبلك قالت إيه
* أنا عارفه أضرارها و سيئاتها *

Mr.MidoNoly
07-15-2010, 04:25 PM
جاااااااااااااااااااااااااااااااامد جدا
شكرا لمجهودك
يعني من الاخر خلينا نشرب حياه وخلاص
هههههه

Moslema
07-15-2010, 05:16 PM
انا كل ده سمعته قبل كدة
ممممم ربنا يبعدنا عن اى حاجة تضرنا وخلاص بقى
:no:
ميرسى لتعبك

zikoooo
07-15-2010, 05:26 PM
موضوع رائع

guitarista
07-15-2010, 05:35 PM
شكرا على المعلومات الخطيره دى

خضر
07-15-2010, 05:35 PM
بجد معلومات خطيرة جدا الف شكر ليك على مجهودك

أمير العاشقين
07-15-2010, 06:20 PM
شكراً ليكو أنتو

7oss
07-16-2010, 03:07 AM
انا كده ضايع

unknown7
07-16-2010, 04:54 AM
خلاص انا بطلت مع اخر كلمه فالتوبيك
شكرا عالموضوع المفيد

أمير العاشقين
07-16-2010, 09:20 AM
انا كده ضايع

ضايع ليه ما أنت لو بتطلتها مش هتكون ضايع

أمير العاشقين
07-16-2010, 09:22 AM
خلاص انا بطلت مع اخر كلمه فالتوبيك
شكرا عالموضوع المفيد

العفو
يا ؟
يا ؟
يا ؟
إنت إسمك إيه ؟

Becks
07-16-2010, 09:35 AM
Even All The Info You Present -( Pepsi , Merinda , Se7en ) I'll Drink It For Ever .. :)

diaby_4ever
07-16-2010, 11:31 AM
كان عندك حق عمرو

أمير العاشقين
07-16-2010, 11:47 AM
Even All The Info You Present -( Pepsi , Merinda , Se7en ) I'll Drink It For Ever .. :)


as you ike

M7G
07-16-2010, 02:07 PM
كل دي اضرار ينهار ابيض
اومال احنا عمالين نشرب منها لية :)
ع العموم الواحد فعلا بيحاول يقلل من الحاجات دي

شكراا ع المعلومات القيمة دي

{Dr.EmoTionS}
07-16-2010, 07:33 PM
:blink::blink:كل ده
:sleeping:انا بصراحة مدمنها اوووى حتى ساعات بشرب لتر لوحدى
اوعدك انى احاول ابطلها

Diabolino
07-16-2010, 09:01 PM
موضوع قيم و شكرا ليك

أمير العاشقين
07-16-2010, 09:56 PM
كل دي اضرار ينهار ابيض
اومال احنا عمالين نشرب منها لية :)
ع العموم الواحد فعلا بيحاول يقلل من الحاجات دي

شكراا ع المعلومات القيمة دي

أعتقد أصلاً إن الإنسان بيدور على أى حاجه تشغله لما يكون فاضى أو مهموم أو تعبان
فأول حاجه يقابلها بيحاول ينسى بيها تعبه
و طبعاً المشروبات دى سهله
و كمان الناس دلوقتى كلها مهمومه

أمير العاشقين
07-16-2010, 09:57 PM
:blink::blink:كل ده
:sleeping:انا بصراحة مدمنها اوووى حتى ساعات بشرب لتر لوحدى
اوعدك انى احاول ابطلها

إن شاء الله
:thumbs_up:
:punk:

أمير العاشقين
07-16-2010, 09:59 PM
موضوع قيم و شكرا ليك

العفو

hanyazoz
07-16-2010, 10:59 PM
جزاك الله خير

انا اوقات بشرب ميرندا بس

بس بحب العصائر اكتر

شكرا على الثريد القيم ده

mnoso90
07-16-2010, 10:59 PM
ادمنتها خلاص
وصعب ابطلها
شكرا عالتوبيك

Kimo_The_Rock
07-16-2010, 11:21 PM
الحمدلله مبطلها من سنتين وشوية .. بس نفسى هفتنى من يومين على ميرندا اناناس فضربت ازازة كبيرة

:d

Diab@Mic
07-17-2010, 04:36 AM
انا طبيعى معايا كل يوم واحده وفى الغالب ميرندا تفاح
بس ان شاء الله ابطلها خاالص

DelmoRadO
07-17-2010, 11:38 AM
Great Topic

أمير العاشقين
07-17-2010, 01:35 PM
إن شاء الله ناس نبطلها
و شكراً ليكو

Hamlet
07-18-2010, 09:19 AM
عمري ما شربتها عطش !!

لكن ليها لذة مع البيتزا والساندوتشات , لا تُقـاوم .. خصوصاً البيبسي

يستحيل آكل بيتزا من غير بيبسي

وفي نفس الوقت مابطقش أشربها كده لوحدها , سواء عطش أو غيره !!

ا, عالتقرير يا باشاthanks

:rose:

أمير العاشقين
07-19-2010, 01:15 PM
عمري ما شربتها عطش !!

لكن ليها لذة مع البيتزا والساندوتشات , لا تُقـاوم .. خصوصاً البيبسي

يستحيل آكل بيتزا من غير بيبسي

وفي نفس الوقت مابطقش أشربها كده لوحدها , سواء عطش أو غيره !!

ا, عالتقرير يا باشاthanks

:rose:


العفو

S A L S A .
07-19-2010, 01:54 PM
ومين قالك ان المعلومات ايلي علي النت كلها صحيحه


باختصار شديد و من غير الكلام الكبير المعقد ده .. الكوكا و البيبيسي وكل المياه الغازيه دي كل اضرارها الاساسيه علي الكلي لان شرب اكتر من ازازتين في اليوم بتضر بكليتك بلاس كمان ان كل المياه الغازيه بتعمل كرش .. حط فوق كل ده ان مالهاش اي فوايد تذكر ..


بعيد بقي عن الكلام المبالغ فيه زي امعاء الخنزير و الصودا الكاويه و الافلام دي .. عشان دي لو كانت حقيقه كان زمان الناس ماتت من 50 سنه مستريح


اخيرا انا عموما مبشربش اي مشروبات غازيه .. واغلب شربي لعصاير


شكرا ..




لا كلامك مش صحيح ..
الضرر الأساسى للمشروبات الغازية على المعدة .. دى من أكتر الأسباب شيوعا للقرحة المعدية .. و قرحة الاثنى عشر ..و الحموضة ..
و موضوع هشاشة العظام صحيح بنسبة كبيرة الا ان كله تكهنات لحد دلوقتى ..

لكن اللى مثبوت ومش محتاج كلام موضوع القرح .

من فوائد الكولا .. ( الكولا تحديدا ) .. بترفع المود بطريقة كويسة .. دى حاجة مهمة جدا محتاجين تعرفوها .. يعنى لا ضير من ازازة مثلا لو الواحد كان متضايق او موده منخفض .. و لتأكيد فاعليتها : ازازة كولا + شيكولاتاية حجم كبير ... وادعيلى :grindance: ...بس طبعا مش على معدة فاضية لتتخرموا :blink:

موضوع جميل ..فيه كلام صحيح 100 % وفى كلام أول مرة أسمع عنه .

أمير العاشقين
07-19-2010, 10:04 PM
لا كلامك مش صحيح ..
الضرر الأساسى للمشروبات الغازية على المعدة .. دى من أكتر الأسباب شيوعا للقرحة المعدية .. و قرحة الاثنى عشر ..و الحموضة ..
و موضوع هشاشة العظام صحيح بنسبة كبيرة الا ان كله تكهنات لحد دلوقتى ..

لكن اللى مثبوت ومش محتاج كلام موضوع القرح .

من فوائد الكولا .. ( الكولا تحديدا ) .. بترفع المود بطريقة كويسة .. دى حاجة مهمة جدا محتاجين تعرفوها .. يعنى لا ضير من ازازة مثلا لو الواحد كان متضايق او موده منخفض .. و لتأكيد فاعليتها : ازازة كولا + شيكولاتاية حجم كبير ... وادعيلى :grindance: ...بس طبعا مش على معدة فاضية لتتخرموا :blink:

موضوع جميل ..فيه كلام صحيح 100 % وفى كلام أول مرة أسمع عنه .




100 %

HamoOodY
07-20-2010, 12:13 AM
الحمدالله أنــا مش بشرب المشروبات الغازية كتير ..

يمكن في الإسبوع مره تقريبا .. و يكون الدايت طبعا ..

mooda3
07-20-2010, 12:37 AM
سبحان الله اول ماعمرو ساب بيبسي الكل طلع بابحاث ومواضيع تكره الناس فيه

مالناس كلها عارفه ان البيبسي مضر من زمان ومع ذلك العالم كله بيشربه


اتحداك انت نفسك انك بتشرب بيبسي وجميع انواع المشروبات الغازيه


كفايه ضحكتو الناس علينا


طيب ماعمرو بقاله سنين كان مع بيبسي اشمعنه الوقتي بس اول ماسابها البيبسي بقي مضر بالصحه في نظرك
اكيد لو عمرو طلع وقال انا هعمل اعلانات لكوكاكولا هتطلع بموضوع
كوكاكولا اكثر صحيه من بيبسي



:hmm:



مع العلم اني مش مع بيبسي الله يحرقها هي وامثالها كلهم انا بس مستغرب من بعض الناس
وطريقة تفكيرها


الراجل مقالش بيبسى الراجل بيقول اضرار المشروبات الغازيه

وده حقه وحضرتك يعنى حر انك تكون عارف انها مضره وبتشربها فى ناس تانيه متعرفش كل اضرارها والراجل مشكور بيقول عليها علشان الناس اللى متعرفش تعرف

وكلمة ضحكتوا الناس علينا مش فاهم ازاى يعنى ؟؟ الراجل مش داخل بيقول نكت على بيبسى او داخل بيفترى على المشروبات الغازيه الراجل فعلا بيقول حقائق ومظنش ان الحقائق دى بتضحك الناس على بعضها

الف شكر لصاحب الموضوع على الموضوع المفيد وجزاك الله خيرا

أمير العاشقين
07-20-2010, 04:49 AM
الراجل مقالش بيبسى الراجل بيقول اضرار المشروبات الغازيه

وده حقه وحضرتك يعنى حر انك تكون عارف انها مضره وبتشربها فى ناس تانيه متعرفش كل اضرارها والراجل مشكور بيقول عليها علشان الناس اللى متعرفش تعرف

وكلمة ضحكتوا الناس علينا مش فاهم ازاى يعنى ؟؟ الراجل مش داخل بيقول نكت على بيبسى او داخل بيفترى على المشروبات الغازيه الراجل فعلا بيقول حقائق ومظنش ان الحقائق دى بتضحك الناس على بعضها

الف شكر لصاحب الموضوع على الموضوع المفيد وجزاك الله خيرا

ألف شكر ليك أنت و ربنا يخليك

FaRo2
07-20-2010, 10:47 AM
لا كلامك مش صحيح ..




الضرر الأساسى للمشروبات الغازية على المعدة .. دى من أكتر الأسباب شيوعا للقرحة المعدية .. و قرحة الاثنى عشر ..و الحموضة ..
و موضوع هشاشة العظام صحيح بنسبة كبيرة الا ان كله تكهنات لحد دلوقتى ..


:thumbs_up:
انت عارف ان الكاربون دايو اكسيد بيتحول في المعده الى كاربونك اسد
co2+H2O>>> H2co3
acidityوده اللى بسبب حموضه المعده بتزود ال
basic ومعااه بتزود الحموضه بتاعت الاثني عشر اللي المفروض يبقا
+
ان المياه الغازيه بتعمل حاجتين
بتخلي الاكل يطفو علي فم المعده وبالتالي بيحصل التهاب في فم المعده
وكمان بيسبب عصر الهضم لأنه بيسرع من تفريغ المعده من محتوايتها للاثني عشر
وده اول علامه له الانتفاخ
...
اما موضوع هشاشه العظام فا طبيعي الواحد بيشرب بيبسي ومش بيشرب حاجات مفيده
فا العضم بيفقد نوع من المعادن والغذا بتاعه
تقريبا الكلام ده تأليف مني بتاع الهشاشه هههههه
:laugh:



لكن اللى مثبوت ومش محتاج كلام موضوع القرح .
:thumbs_up:




من فوائد الكولا .. ( الكولا تحديدا ) .. بترفع المود بطريقة كويسة .. دى حاجة مهمة جدا محتاجين تعرفوها .. يعنى لا ضير من ازازة مثلا لو الواحد كان متضايق او موده منخفض .. و لتأكيد فاعليتها : ازازة كولا + شيكولاتاية حجم كبير ... وادعيلى :grindance: ...بس طبعا مش على معدة فاضية لتتخرموا :blink:



:thumbs_up:
وده لأنها بترفع نسبه ال النور ادرينالين والسيرتونين اللى هما مسؤولين عن المود نتيجه الكافين

dario
07-20-2010, 11:04 AM
thanks 4 you

أمير العاشقين
07-20-2010, 09:54 PM
thanks 4 you

thanQ 4 replay

gogodiab
07-21-2010, 02:52 AM
كده كده مش بحبها اصلااااااااااااااااااااااا

Earthvisitor
07-22-2010, 05:39 AM
ههههههههههههههههه
أنا لما كنت مبطلها فى الأول
كنت لما بقعد فى كافتيريا بلاقى الناس حواليا بشربو أشكال مختلفه من المياه الغازيه خاصه فانتا تفاح كانت بتغرينى قوى
لكن كنت بستحمل لحد دلوقتى مابقيت أتقرف منها

و ربنا يكرم و تبطلها ومع أهلك إن شاء الله


عن نفسي من يوم ما قرأت التوبك بطلت أشربها فعلاً :yes: و إن شاء الله هفضل علي كده

اما أهلى ورتهم التوبك :happy: .. و الحمد لله جاب نتيجة بس لسه مش قادرين يستغنوا عنها الإستغناء النهائي :hmm:

ربنا يجازيك كل خير
:)

il_Magico
07-22-2010, 02:42 PM
بسم الله ماشاء الله دلوقتى بقت وحشة وكخ وقذرة ومن كام سنه كانت جامدة والكل بيشربها
ههههههههههههههههههههههههههههههههههههههههههههههههههههههههههههههههههههههههههههه

أمير العاشقين
07-24-2010, 02:51 PM
كده كده مش بحبها اصلااااااااااااااااااااااا
أحسن و الله

أمير العاشقين
07-24-2010, 02:52 PM
عن نفسي من يوم ما قرأت التوبك بطلت أشربها فعلاً :yes: و إن شاء الله هفضل علي كده




اما أهلى ورتهم التوبك :happy: .. و الحمد لله جاب نتيجة بس لسه مش قادرين يستغنوا عنها الإستغناء النهائي :hmm:


ربنا يجازيك كل خير
:)

العفو و أنت باين عليك شخصيه جميل

أمير العاشقين
06-05-2011, 11:56 PM
بسم الله ماشاء الله دلوقتى بقت وحشة وكخ وقذرة ومن كام سنه كانت جامدة والكل بيشربها
ههههههههههههههههههههههههههههههههههههههههههههههههههههههههههههههههههههههههههههه

هى مين دى ؟؟؟؟؟؟؟؟
النوايا الله أعلم بيها
إنى مش منحاز لحد
never ever 4ever

HZ Diaby
06-06-2011, 01:21 AM
المشكله اننا مدمنين عليها يعني صعب جدا نتركها بس الف الف شكر ياصاحب الموووضوووع

أمير العاشقين
06-06-2011, 02:26 AM
المشكله اننا مدمنين عليها يعني صعب جدا نتركها بس الف الف شكر ياصاحب الموووضوووع

العفو يا كبير
و أحب أقولك إن مافيش شئ صعب لو نويت بس

يقول الله تبارك وتعـالى في سـورة الرعـد
إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ

يعنى مجرد النيه على فعل شئ عقلك هيكبر على الشئ ده
يقول الدكتور إبراهيم الفقى
العقل بيبنى على آخر تجربه
يعنى بيبنى على أفكارك
لو أنت أفكارك للنجاح هتستمر فى النجاح و هيكبر مفهومه معاك
و لو حد قال أنا فاشل عقله هيبنى على إنه فاشل و الفشل هيكبر بيه

و عشان تنقذ نفسك من أى وهم ممكن يسيطر على مفهومك إسأل نفسك عن السبب عشان ماتعممش
أنا مدمن مياه غازيه ... كده أنت أشارت لنفسك إنك مش هتقدر تبطلها
أنا بحب المياه الغازيه جداً عشان إتعود عليها مثلاً أو الصودا إللى فيها بتعجبنى .... كده إنت حددت مشكله و مجرد ما حددتها تقدر تحلها و هتحلها مع الوقت

و أنت إيه رأيك تسأل نفسك عن السبب ؟

author
06-09-2011, 01:09 AM
100-100

أمير العاشقين
03-04-2012, 01:36 AM
إحم إحم حبيت أجدد الموضوع و للى ما قرأهوش

Mahmod Ibrahim
03-04-2012, 02:07 AM
سبحان الله اول ماعمرو ساب بيبسي الكل طلع بابحاث ومواضيع تكره الناس فيه
مالناس كلها عارفه ان البيبسي مضر من زمان ومع ذلك العالم كله بيشربه


اتحداك انت نفسك انك بتشرب بيبسي وجميع انواع المشروبات الغازيه


كفايه ضحكتو الناس علينا

طيب ماعمرو بقاله سنين كان مع بيبسي اشمعنه الوقتي بس اول ماسابها البيبسي بقي مضر بالصحه في نظرك
اكيد لو عمرو طلع وقال انا هعمل اعلانات لكوكاكولا هتطلع بموضوع
كوكاكولا اكثر صحيه من بيبسي



:hmm:



مع العلم اني مش مع بيبسي الله يحرقها هي وامثالها كلهم انا بس مستغرب من بعض الناس
وطريقة تفكيرها



ربنا يهيدنا ويهديك

mohamed zahra
03-04-2012, 02:18 AM
بقلكم ايه الحرمان حاجة وحشة ربنا ما يوريكم بلاش تحرموا نفسكم منها كفاية ازازة فى اليوم كحد اقصى او كانز واحد لكن تقللى بطلها خالص لالالا

totti2020
03-04-2012, 08:55 AM
الحمد لله انا مش بشربها خالص

am_2777
03-05-2012, 09:36 AM
thanks 4 advice

Mustapha
03-05-2012, 10:53 AM
التوبيك ده قديم جدا لكن جميل جدا جدا
..
على العموم انا مش بشرب الحاجه الساقعه الا كل فين وفين اساسا
المشكله انى مدمن مشروب اخر وهو القهوه
ومن وانا ف اعدادى وانا خايف اسال عن اضرارها او حتى اقرا او ادور عن اضرارها لانى عارف انى مهما قريت مش هبطلها ولو قريت فوق البحث الف زيهم صعب بردو
ربنا يستر ومتجبش اجلى بدرى بدرى
:d
شكرا على المعلومات القيمه