PDA

View Full Version : مـن كتـاب " بلد متعلم عليـها " .. ثقافة قلة الأدب



khaledido
02-19-2010, 07:02 AM
http://t1.gstatic.com/images?q=tbn:IeyhPaf32kb8YM:http://i69.photobucket.com/albums/i64/Nikki_1985/hi.jpg

عليــــــــــــكم جميعــــا


بدون مقدمات او كلام كتير .. وانا بدور على النت لقيت كتاب جديد اسمه

" بلد متعلم عليـها "

للكاتب " مصطفى شهيب

دى صورته

http://photos-e.ak.fbcdn.net/hphotos-ak-snc3/hs219.snc3/22642_100398943326630_100000695732261_9130_3040130_n.jpg


وبتقديم القدير " يوسف معاطي "


بجد الكتاب وهم رغم انى مقريتوش كله بس اللى شفته منه دلوقتى .. عجبنى جدا والكاتب فكره عاااااااااالى اوى وبجد راجل فاهم جدا

_______________________


بوستر الكتاب

http://photos-d.ak.fbcdn.net/hphotos-ak-snc3/hs239.snc3/22642_100399169993274_100000695732261_9135_2561374_n.jpg


طبعا شايفين قد اية البوستر معبر

علم فلسطين جنبه تاتو وجيفارا على بلاى بوى على تامر حسنى .. كوكتيله مفيش بعد كدة


_______________________

مع اجزاء من الكتاب

_______________________


مقدمة الكتاب


احنا امتى اتعلم علينا..؟!

- لماصاحبك يسألك ليلة العيد ..حانتحرش فين السنة دى ..!
- لما بنطلونات البنات تبقى للوقوف بس ..لو اتقعد بيها حاتنفجر وتسأل ازاى اتلبست وازاى حتتقلع ..
- لما تسقط بنطلونك ..وتفتكر انك نسيت تلبس البوكسر..اوبااا
- لما وديع يسيب مدام رشا لتهامي باشا ومنعرفش عملو اية بعد كدة ..
- لما الحب دلوقتى يبتدى ب " اكتر حاجة بحبها فيكي قلبك وطيييييبة قلبك " وينتهي ب " اعتذري للي حاييجى بعدي " ..

http://photos-e.ak.fbcdn.net/hphotos-ak-snc3/hs219.snc3/22642_101252903241234_100000695732261_35206_6293357_n.jpg
________________________

جزء من موضوع "ثقافة قلة الادب
فصل - مصر المحروشة

الزمن و العصر اللى احنا فيه ده بكل الشواهد هو زمن الاثارة الجنسية ..الجنس موجود منذ بلايين بلايين السنين ..وكان معروف مكانه ..فى غرف النوم او فى بيوت الدعارة ..لكن فى ايامنا السودة دى الاثارة الجنسية بقت موجود فى كل حاجة فى حياتنا وفى كل لحظة ..و الجنس بقى ارخص من اوقت واى زمن ..

تجربة بسيطة ..اخطف رجلك على اقرب بائع صحف ممن يفترشون الارصفة وفقط الق نظرة ..لا لا نظرتين ..الاولى على عنوانين الصحف الرئيسية .." القبض على سياسى معروف فى احضان الراقصة المشهورة ... تفاصيل اصابة المطربة شيرين فى منطقة حساسة ..ادمان ابو تريكه يهدده بالاعتزال .. سلمى سلمت نفسها للشيطان فغلطت مع ابن الجيران .. سميحة القبيحة وقعت فى الفضيحه " مع عدد اخر من العناوين المثيرة .. وطبعا انت بلهفه تيجى تشوف الاخبار المدمرة دى ..تلاقى اولا ان السياسى المعروف دة اسمه حمدى باتشان والراقصه دى نحمده اساتك وطبعا انت لو قعدت تعصر فى دماغك مليون سنة لايمكن تفتكرهم عشان الواقعة دى حصلت فى اوزباكستان اصلا ..اما اصابة شيرين فكانت فى اكتر منطقه حساسة فى جسمها فعلا وهى عينها – انت اللى نيتك قذرة يعملولك ايه يعنى – اما ادمان ابوتريكه فهو فعلا حقيقى لان ابو تريكة بياكل كراتيه وبوظو بدرجة متوحشة تصل للادمان ..وونتيجه لده حايتخن ولما يتخن حايبقى مهدد بالاعتزال – شفت ازاى- .. اما قصص الدعارة اللى فيها بتاعة سميحة ورشا فالصحفى بيقعد كدة فى ليلة مفترجة مع كباية شاى تقيلة فى البلكونة يسرح فى بنات الحتة عنده ويألف قصص عليهم , والعنوانين طبعا مش كفايه ..لازم عدد محترم من صور فاضحة لنجمات البورنو وممثلات او موديلز اجانب فى اوضاع مثيرة وتقريبا من غير هدوم ..متصلبين فى جلستهم ..متصدرين الاغلفة ..وبالطبع مستحوذين على عقلك وتفكيرك وانتباهك ..وقبل ذلك شهوة فضولك الذى بدأ يترنح بعد قراءة العناوين المثيرة مع صور المذذ فعملو احلى دماغ تخيل ما تسخسرش جنيه ولا اتنين ابدا فى الجرنان..!!, اما النظرة الثانية فهى على كم العدد الرهيب من الجرائد التى تنتمى لتلك النوعية القذرة من صحافة الفضايح ..,
وانضم للادب وعالم الرواية ..فلاسف اقتحم عالم الادب مجموعة من الدخلاء عليه اقحمو الجنس فى اعمالهم بصورة مبالغ فيها لايجاد عنصر النجاح لها .. واصبحت انجح الروايات واكثرها مبيعا الان لا تخلو من صفحات وصفحات تسحبك برفق لعالم اخر من الخيالات الجنسية وتشطح بذهنك هنا وهناك لاحلام جنسية تجعلك فى صورة غير طبيعية من الاثارة المستفزة .., واذا حاولت ان تسيطر على انفعالاتك فاغلقت الكتاب سريعا وقلت لنفسك اية السفالة دى ..ستجد المؤلف ظهر لك وكانك حضرته ..تجده منزعجا جدا من وصف رواياته بالاباحية .. بل ويتهمك انت بالتخلف والرجعية وانك جاهل ما بتفهمش فى الادب والفكر والابداع .., ياعم طيب نتفاهم بالراحة ..يعنى لما تقعد من صفحة عشرين لاربعين عمال توصف فى جسم بنت وتفاصيلها ..اية يعنى هو البنات دى كائن من الفضاء ماحنا عارفين البنت وجسمها ..لما تقعد كمان 15 صفحة عمال توصف تفاصيل علاقة حميمية بين اتنين عشاق واحنا تقريبا مركبين قرنين واحنا بنقرا ..ياعم هو احنا مولودين شيطانى ..ماحنا عارفين العلاقة وتفاصيلها ولا انت بتراجع هلنا ولا اية ..كتير اوى من كدة لما الواحد كتير بيسال نفسه ..دة ادب ..ولا قلة ادب ..؟؟

طيب حاول تسمع اغانى ..
حصريا و فى ايامنا بس بنات الليل بقو مطربات ..وطبعا هم اللى حولو
الاغانى الرومانسية والشجن وحتى المقسوم لشوية عبارات ومعانى فجة وفاجرة و كلها ايحاءات جنسية صريحة ..الصراحة راحة وانت مبتعرفش ..وحط النقط على الحروف قبل مانطلع سوا على الروف و بوس الواوا .. وحاجات والله ماينفع تتكتب هنا ..مش تتغنى فى الافراح وتتشغل فى البيوت ويدندن بيها فى الحمامات....اما المطربات المؤدبات ففضلو الايماءات بس ..يعنى اةةة واح ويا لهوى ومرقعة واضحة مكانها الكباريهات ..لو سمحت بيها اصلا .. وزمان كنا نسمع عن الفن الهابط ..انما فخر لينا ولجيلنا يظهر لنا الفن السافل .. ودة طبعا حاجة تتفشخر بيها بعد كدة قدام عيالك ,
ولن اتحدث عن الكليبات ..فهى تتحدث عن نفسها ..هم هم نفس المطربات العظام اللى بيتأوهو ويتوجعو دول ..بدأو الاول بداية هبلة يعنى واحدة منهم ركبت عجلة وادتنا ضهرها ..وهى كانت عايزة تفهمنا ان العقل السليم فى الجسم السليم .. بس احنا للاسف شباب واطى ونيته قذرة وفهمنا غلط .., والتانية استعانت بحصان كانت بتستحمى قدامه من غير هدوم و سمعنا انه كان حايغتصبها فى الكواليس لولا المخرج قلع هو ولهاه.. وطبعا رسالتها كانت اننا نرفق بالحيوانات اكيد مش حاجة تانية .., بس وبعد كدة مبقاش للاسف افكار جديدة واتفقو كلهم على يونيفورم موحد وهى قمصان نوم ..الواحد يتكسف حتى يجيبها لمراته .. و يقعدو يرقصو ويتنططو ويتشقلبو بيها على السرير وعلى الارض وحمامات السباحة وخلاص بقا قانون الغنا فى مصر كلما تقلعى اكتر تتشهري اكتر والفنانة العظيمة لما بينت الحتة الحساسة دى يا ترى حاتبين اية ف الكليب الجاى والتانية عشان تنافسها حتقلع ايه تانى .., وااللى يغيظك اننا شايفينهم حاجة والاعلام حاجة تانية ..الاعلام ما بيتعاملش معاهم على انهم شوية بنات صيع مالهمش اهل ..لا دة بيعاملهم كعظماء وفنانين بجد .. امال بنات الليل والعاهرات يبقو مين ..نفسى افهم !!


واكيد مش كل بنات الليل عندها جراة انها تغنى ..بس مفيش مانع تبقى اعلامية ومذيعة اد الدنيا ..تقريبا موجودين على عشرات القنوات بنفس قمصان النوم عمالين ينادو عليك بمرقعة ..لا لا لازم تتصلو ..يلا بقى والنبى ..عشان تكسبو ربع مليون جنيه ..يلا حلو الفزورة ..حاجة خضرا من برا ..وحمرا من جوة ..وفيها حاجات سودة صغيرة .. يا ترى اية هى ..البطيخة ولا الشمامة ولا الكورة الكفر ..؟؟

و تفتكر السينما ها حتسيب الدنيا تضرب تقلب كدة ..لازم يبقى ليها دور برضه .., واظن انها فى السنوات الاخيرة عانت من كثافة مشاهد السرير والخيانة والاغراء و اللحظات السخنة دى ..ولما الموضوع لقوه مستهلك اوى وافلام القصص والمناظر مبقتش تجيب فلوس زى الاول .. بدأو يطورو فيه شوية ..فجابو لاول مرة مشاهد عن اللواط على الشاشة وخالد الصاوى كتر خيره قال بقين جامدين فى الفيلم ..قالك ان اللواط مش حرام ..الحرام هو الزنا علشان بيجيب بيبى ويتقتل وكدة ..انما اللواط وحب الرجالة لبعضهم بيس وفل ومعرفة الرجالة كنوز .., ولما الهوجة بتاعتو خلصت اشتغلو بقا فى السحاق – شذوذ البنات - والممثلات بيتخانقو مين عملته احسن .., اما المخرج بتاع السحاق لما اتهموه بالمشاهد الخليعة دى ..شرشحلهم وقالهم بقولكو اية احمدو ربنا ..انا مرتضش اعمل فيلم حولين زنا المحارم ..اه فاحترمو نفسكو علشان ماقلش ادبى ..!! تروح للمنتج ياعم اعمل حاجة مفيدة بدل ماتبقى اخرتك على الباربكيو فى الاخرة .. يقولك والله انا ماليش دعوة هو الشباب قليل الادب وعايز كدة , تروح للممثلة يا حاجة يهديكى يرضيكى يولع فيكى اية اللى انتى بتهبيبه دة ..؟ تقولك انا محترمة وعارفة ربنا وانا بقدم رسالة زي زى الدكتورة – اكيد دكتورة مسالك بولية -.. والمشاهد الساخنة دى لا يمكن اعملها الا فى سياق الدراما وانتو اللى معقدين نفسيا ..الجنس بيحصل فى المجمتع ولازم نجيبه على الشاشة وماتبقوش زى النعامة و...الخ,


:no:
اترك لكم التعليــــــــــــــــــــــق

midak
02-19-2010, 07:15 AM
بيقول كل حاجة جوانا فعلا
ربنا يستر على الجيل اللى طالع ده فعلا

khaledido
02-19-2010, 07:17 AM
بيقول كل حاجة جوانا فعلا
ربنا يستر على الجيل اللى طالع ده فعلا



دة اللى عجبنى فى اسلوبه وكلامه .. تحس انه هو انت .. عارف اية جواك .. وعارف طريقة استقبالنا للامور .. وفعلا ربنا يستر علينا من الايام السودة اللى جاية

diabos
02-19-2010, 09:54 AM
من بعد نجاح كتاب شكلها باظت لعمر طاهر
كل من هب و دب بقى فاكر نفسه دمه خفيف و بيكتب فى الادب الاجتماعى الساخر
و الحقيقة ان معظم اللى بيتقدم عبارة عن قلش و تقليد أعمى و تناول مواضيع سخنة بشكل سطحى
و طبعا يطلقوا ع الكتب دى عناوين سبايسى عشان تبيع زى :-
ليك شوق فى حاجة , الانسان اصله جوافه , الحتة بتاعتى , مصر من البلكونة , عشان ما تضربش على قفاك , الحالة ميم , مصر ليست امى دى مرات ابويا , بلد متعلم عليها , قولوا عليا مسطول , طظ فيكم , من غلبى , عالم كلينيكس , مؤخرة ابن خلدون , ماما إكسبايرد

عناوين جذابة و مضمون فارغ و استظراف و ركاكة بشعة فى الاسلوب
ماهو مش اى واحد شاف له شوية مظاهر اجتماعية سلبية كلنا حافظينها هيعيش علينا دور الناقد المعبر عن الشعب و نبض الامة
اللى عاوز يقرا ادب ساخر بجد يقرا محمود السعدنى , بلال فضل , عمر طاهر , جلال عامر , احمد رجب
اسف لصحاب التوبيك بس مقدرش اسكت على حاجة فى رأيى انها اسفاف:hmm:

Wiwa
02-19-2010, 10:21 AM
من بعد نجاح كتاب شكلها باظت لعمر طاهر

كل من هب و دب بقى فاكر نفسه دمه خفيف و بيكتب فى الادب الاجتماعى الساخر
و الحقيقة ان معظم اللى بيتقدم عبارة عن قلش و تقليد أعمى و تناول مواضيع سخنة بشكل سطحى
و طبعا يطلقوا ع الكتب دى عناوين سبايسى عشان تبيع زى :-
ليك شوق فى حاجة , الانسان اصله جوافه , الحتة بتاعتى , مصر من البلكونة , عشان ما تضربش على قفاك , الحالة ميم , مصر ليست امى دى مرات ابويا , بلد متعلم عليها , قولوا عليا مسطول , طظ فيكم , من غلبى , عالم كلينيكس , مؤخرة ابن خلدون , ماما إكسبايرد


عناوين جذابة و مضمون فارغ و استظراف و ركاكة بشعة فى الاسلوب
ماهو مش اى واحد شاف له شوية مظاهر اجتماعية سلبية كلنا حافظينها هيعيش علينا دور الناقد المعبر عن الشعب و نبض الامة
اللى عاوز يقرا ادب ساخر بجد يقرا محمود السعدنى , بلال فضل , عمر طاهر , جلال عامر , احمد رجب
اسف لصحاب التوبيك بس مقدرش اسكت على حاجة فى رأيى انها اسفاف:hmm:



الله ينور عليك

دا اللى عايز اقوله

mostafa saad
02-19-2010, 10:28 AM
من بعد نجاح كتاب شكلها باظت لعمر طاهر

كل من هب و دب بقى فاكر نفسه دمه خفيف و بيكتب فى الادب الاجتماعى الساخر
و الحقيقة ان معظم اللى بيتقدم عبارة عن قلش و تقليد أعمى و تناول مواضيع سخنة بشكل سطحى
و طبعا يطلقوا ع الكتب دى عناوين سبايسى عشان تبيع زى :-
ليك شوق فى حاجة , الانسان اصله جوافه , الحتة بتاعتى , مصر من البلكونة , عشان ما تضربش على قفاك , الحالة ميم , مصر ليست امى دى مرات ابويا , بلد متعلم عليها , قولوا عليا مسطول , طظ فيكم , من غلبى , عالم كلينيكس , مؤخرة ابن خلدون , ماما إكسبايرد


عناوين جذابة و مضمون فارغ و استظراف و ركاكة بشعة فى الاسلوب
ماهو مش اى واحد شاف له شوية مظاهر اجتماعية سلبية كلنا حافظينها هيعيش علينا دور الناقد المعبر عن الشعب و نبض الامة
اللى عاوز يقرا ادب ساخر بجد يقرا محمود السعدنى , بلال فضل , عمر طاهر , جلال عامر , احمد رجب
اسف لصحاب التوبيك بس مقدرش اسكت على حاجة فى رأيى انها اسفاف:hmm:

:thumbs_up::thumbs_up::thumbs_up:

The.LoRd
02-19-2010, 01:35 PM
والتانية استعانت بحصان كانت بتستحمى قدامه من غير هدوم و سمعنا انه كان حايغتصبها فى الكواليس لولا المخرج قلع هو ولهاه..

loool

S A L S A .
02-19-2010, 01:46 PM
من بعد نجاح كتاب شكلها باظت لعمر طاهر
كل من هب و دب بقى فاكر نفسه دمه خفيف و بيكتب فى الادب الاجتماعى الساخر
و الحقيقة ان معظم اللى بيتقدم عبارة عن قلش و تقليد أعمى و تناول مواضيع سخنة بشكل سطحى
و طبعا يطلقوا ع الكتب دى عناوين سبايسى عشان تبيع زى :-
ليك شوق فى حاجة , الانسان اصله جوافه , الحتة بتاعتى , مصر من البلكونة , عشان ما تضربش على قفاك , الحالة ميم , مصر ليست امى دى مرات ابويا , بلد متعلم عليها , قولوا عليا مسطول , طظ فيكم , من غلبى , عالم كلينيكس , مؤخرة ابن خلدون , ماما إكسبايرد

عناوين جذابة و مضمون فارغ و استظراف و ركاكة بشعة فى الاسلوب
ماهو مش اى واحد شاف له شوية مظاهر اجتماعية سلبية كلنا حافظينها هيعيش علينا دور الناقد المعبر عن الشعب و نبض الامة
اللى عاوز يقرا ادب ساخر بجد يقرا محمود السعدنى , بلال فضل , عمر طاهر , جلال عامر , احمد رجب
اسف لصحاب التوبيك بس مقدرش اسكت على حاجة فى رأيى انها اسفاف:hmm:




أقسملك بالله داخل أقول بالحرف نفس الكلام ..
طيب يعنى لا فيه معلومات جديده ... ولا فيه اسلوب أدبى محترم ...ولا فى حلول موضوعيه ...طيب أقراه ليه أنا ؟...
الكلام ده مش على الكتاب ده بس ..على باقى الكتب الى اتجهت نفس اتجاه يوسف معاطى بداية من عمر طاهر اللى انا شخصيا بردو مش مقتنع بيه ككاتب .
المشكله الحقيقيه ان ف معارض الكتاب بقت الشاكله دى أكتر حاجه بتبيع على فكره ...والضغط عليها يزعل ....

وشكرا لصاحب التوبيك على اهتمامك :rose:

diabian_knight
02-19-2010, 02:02 PM
من بعد نجاح كتاب شكلها باظت لعمر طاهر
كل من هب و دب بقى فاكر نفسه دمه خفيف و بيكتب فى الادب الاجتماعى الساخر
و الحقيقة ان معظم اللى بيتقدم عبارة عن قلش و تقليد أعمى و تناول مواضيع سخنة بشكل سطحى
و طبعا يطلقوا ع الكتب دى عناوين سبايسى عشان تبيع زى :-
ليك شوق فى حاجة , الانسان اصله جوافه , الحتة بتاعتى , مصر من البلكونة , عشان ما تضربش على قفاك , الحالة ميم , مصر ليست امى دى مرات ابويا , بلد متعلم عليها , قولوا عليا مسطول , طظ فيكم , من غلبى , عالم كلينيكس , مؤخرة ابن خلدون , ماما إكسبايرد

عناوين جذابة و مضمون فارغ و استظراف و ركاكة بشعة فى الاسلوب
ماهو مش اى واحد شاف له شوية مظاهر اجتماعية سلبية كلنا حافظينها هيعيش علينا دور الناقد المعبر عن الشعب و نبض الامة
اللى عاوز يقرا ادب ساخر بجد يقرا محمود السعدنى , بلال فضل , عمر طاهر , جلال عامر , احمد رجب
اسف لصحاب التوبيك بس مقدرش اسكت على حاجة فى رأيى انها اسفاف:hmm:



:yes::yes::yes:
TOTALLY WITH U

Ahmed El Ganayni
02-19-2010, 02:02 PM
مجهود جبــار والله
شكرا
:)

7kiet2lwarda
02-19-2010, 02:58 PM
مجهود جبــار والله

شكرا

:)

فعلا جبار

Shoshyta
02-19-2010, 03:35 PM
مش عجبنى ابدا الاسلوب ده
كان ممكن يعرض مشاكل الجيل باسلوب مهذب عن كده
مش قارده اصدق بجد ان الادب وصل للمستوى ده

وشكرا

khaledido
02-19-2010, 04:33 PM
من بعد نجاح كتاب شكلها باظت لعمر طاهر
كل من هب و دب بقى فاكر نفسه دمه خفيف و بيكتب فى الادب الاجتماعى الساخر
و الحقيقة ان معظم اللى بيتقدم عبارة عن قلش و تقليد أعمى و تناول مواضيع سخنة بشكل سطحى
و طبعا يطلقوا ع الكتب دى عناوين سبايسى عشان تبيع زى :-
ليك شوق فى حاجة , الانسان اصله جوافه , الحتة بتاعتى , مصر من البلكونة , عشان ما تضربش على قفاك , الحالة ميم , مصر ليست امى دى مرات ابويا , بلد متعلم عليها , قولوا عليا مسطول , طظ فيكم , من غلبى , عالم كلينيكس , مؤخرة ابن خلدون , ماما إكسبايرد

عناوين جذابة و مضمون فارغ و استظراف و ركاكة بشعة فى الاسلوب
ماهو مش اى واحد شاف له شوية مظاهر اجتماعية سلبية كلنا حافظينها هيعيش علينا دور الناقد المعبر عن الشعب و نبض الامة
اللى عاوز يقرا ادب ساخر بجد يقرا محمود السعدنى , بلال فضل , عمر طاهر , جلال عامر , احمد رجب
اسف لصحاب التوبيك بس مقدرش اسكت على حاجة فى رأيى انها اسفاف:hmm:



اولا دة رأيك وانت حر فيه متقلقش انا بعرف اتقبل كل الاراء

بس اسمحلى .. بالنسبالى انا واحد مش متعمق فى القراءة وزى ما وضحت فى الاول .. وانا بدعبس لقيته .. يعنى بالصدفة .. وشدتنى طريقة الكتابة الساخرة دى .. ودة لانى عمرى ما قريت قبل كدة لا لعمر طاهر ولا لأى حد من الناس اللى انت كاتبها دى وكمان عمرى ما اهتميت بالقراءة بس بجد الكتاب شدنى

ومتنساش .. ان دة تقديم يوسف معاطى




أقسملك بالله داخل أقول بالحرف نفس الكلام ..
طيب يعنى لا فيه معلومات جديده ... ولا فيه اسلوب أدبى محترم ...ولا فى حلول موضوعيه ...طيب أقراه ليه أنا ؟...
الكلام ده مش على الكتاب ده بس ..على باقى الكتب الى اتجهت نفس اتجاه يوسف معاطى بداية من عمر طاهر اللى انا شخصيا بردو مش مقتنع بيه ككاتب .
المشكله الحقيقيه ان ف معارض الكتاب بقت الشاكله دى أكتر حاجه بتبيع على فكره ...والضغط عليها يزعل ....

وشكرا لصاحب التوبيك على اهتمامك :rose:




المعلومات الجديدة دى هتيجى ازاى ... مهو مش موسوعة علمية علشان يقدم معلومات جديدة والاسلوب الادبى المحترم هيجى منين وهو بيناقش مواضيع كلها قلة ادب والحلول مش محتاجة تتقال لان مفيش حد ميعرفهاش ..

ومدمت انت داخل تقول نفس اللى قاله الرد الاول زى ما انت قولت كدة ازاى بقى مش مقتنع بالكاتب اللى هو اشاد بيه

حاجة عجيبة ؟؟




مجهود جبــار والله
شكرا
:)



ميرسى يا حميدو .. منور التوبيك




فعلا جبار


Thanks too



مش عجبنى ابدا الاسلوب ده
كان ممكن يعرض مشاكل الجيل باسلوب مهذب عن كده
مش قارده اصدق بجد ان الادب وصل للمستوى ده

وشكرا



دة اسمه الادب الساخر .. اكيد ليه ناسه اللى بتقرأه اما الادب اللى فى دماغك .. مهو لسه موجود زى ماهو .. لكن دة تقدرى تقولى عليه فرع وهرب من شجرة الادب

HEROoOoO
02-19-2010, 05:31 PM
ketab shaklo gameed awy bey2ool kol 7aga mn 3'eer ksoof
thx awy

S A L S A .
02-19-2010, 05:34 PM
المعلومات الجديدة دى هتيجى ازاى ... مهو مش موسوعة علمية علشان يقدم معلومات جديدة والاسلوب الادبى المحترم هيجى منين وهو بيناقش مواضيع كلها قلة ادب والحلول مش محتاجة تتقال لان مفيش حد ميعرفهاش ..

ومدمت انت داخل تقول نفس اللى قاله الرد الاول زى ما انت قولت كدة ازاى بقى مش مقتنع بالكاتب اللى هو اشاد بيه

حاجة عجيبة ؟؟






يعنى هو مش موسوعة علميه ... وما ينفعش يتكلم فى مواضيع قليقة الادب غير بطريقه قليلة الادب ... والحلول مش محجتاجة تتقال ...طيب بيكتب ليه ؟...دمه خفيف مثلا ؟...لو انت شايف كده يبقى انت قدام كاتب روش عامل كتاب نكت يضحكنا ...لكن ما يتصنفش أدب خالص ...ولا حتى يتصنف أدب ساخر لان مفيش فى كلامه أدب أساسا ...لا أسلوب ولا صياغة ولا أى حاجه خالص ..

و مش عارف ايه السؤال التانى الى انت سألته ده انت كتبته ازاى بجد ...عايز تطلعنى متناقض بقى وكده :laugh:

AHMED HOSNY
02-19-2010, 05:43 PM
دة انا كدة انا عبقرى .. انا بكتب احسن منة ...فى اية هو دة كتــاب دة واحد واكل وجي يفضى علينا

khaledido
02-19-2010, 06:18 PM
انا شكـــــــــلى غلطت لما نزلت التوبيك دة ولا اية .. ولا انا وقعت وسط ناس كلهم مؤلفين وعباقرة

diabos
02-19-2010, 06:32 PM
الكتب الى اتجهت نفس اتجاه يوسف معاطى بداية من عمر طاهر اللى انا شخصيا بردو مش مقتنع بيه ككاتب .


مختلف معاك فى الحتة دى يا ابو صلاح
عمر طاهر يعتبر رائد الساخرين الجدد .. عمل سكة لوحده و الكل قلده فيها
ملوش علاقة بيوسف معاطى اللى انا بعتبره رائد القلش و الحكايات المفتعلة سواء فى مقالاته او كتبه او افلامه
العكس صحيح فى مقالات و كتب و افلام عمر طاهر .. اللى اتفقنا او اختلفنا عليه فهو ظاهرة اثرت فى الادب المصرى و هو الاسم الابرز فى اخر 3 سنوات
و على فكرة كل العيوب اللى انت ذكرتها فى مدرسة الساخرين الجدد عمر طاهر قدر يتلاشاها تماما و معاه بلال فضل
بيقدم وجهة نظر مختلفة و حلول موضوعية و اسلوبه بليغ و سهل و دمه خفيف .. دا غير انه كرييتيف فى اختيار مواضيعه
مش عارف انت ازاى مش مقتنع بيه ككاتب:hmm:

diabos
02-19-2010, 06:39 PM
اولا دة رأيك وانت حر فيه متقلقش انا بعرف اتقبل كل الاراء

بس اسمحلى .. بالنسبالى انا واحد مش متعمق فى القراءة وزى ما وضحت فى الاول .. وانا بدعبس لقيته .. يعنى بالصدفة .. وشدتنى طريقة الكتابة الساخرة دى .. ودة لانى عمرى ما قريت قبل كدة لا لعمر طاهر ولا لأى حد من الناس اللى انت كاتبها دى وكمان عمرى ما اهتميت بالقراءة بس بجد الكتاب شدنى

ومتنساش .. ان دة تقديم يوسف معاطى




اولا احييك على تقبلك لكل الاراء
و انصحك بقرائة كتب ساخرة للكتاب السابق ذكرهم

cristiano™
02-19-2010, 06:50 PM
انا شكـــــــــلى غلطت لما نزلت التوبيك دة ولا اية .. ولا انا وقعت وسط ناس كلهم مؤلفين وعباقرة

لازم تفرق
الناس بتنتقد الكاتب
مش بتنتقدك انت
انت عملت اللى عليك وجبت الكتاب
الناس بقى بتنتقد اللى كتب الكتاب
مش اللى كتب الموضوع
:)

Medhat
02-19-2010, 07:12 PM
فى فرق بين الكتابة الساخرة بالعامية...و بين كلام القهوة

بلال فضل وعمر طاهر كتاب ساخرين
لكن بيكون فيه فكرة معينة و أسلوب نوعاً ما لائق وفى نفس الوقت ساخر..وفى نفس الوقت بتضحك

لكن الجزء اللى قرأته من الكتاب ده...صدقنى ممكن تجمعة من سائق تاكسى أو من كلامك إنت و أصحابك على القهوة...و هتلاقى نفسك بتكتب حاجات أحلى من كده


وعلى فكرة....دى آراء..ومش ضرورى إطلاقاً إن عشان الكتاب عاجبك...تلاقى الناس داخلة تقول جميل ورائع
الكتابة أدب...والأدب فكر وفيه رأى و رأى آخر و أذواق و تفضيلات و عوامل كتير بتخلى آراء الأشخاص مختلفة

شكراً على الموضوع الجميل

USERNAME
02-19-2010, 08:07 PM
حصريا و فى ايامنا بس بنات الليل بقو مطربات ..وطبعا هم اللى حولو
الاغانى الرومانسية والشجن وحتى المقسوم لشوية عبارات ومعانى فجة وفاجرة و كلها ايحاءات جنسية صريحة

ايه الكلام الجامد والجميل ده
ولا شباب مصر كلهم بصوت واحد بيتكلموا
انا الكتاب عاجبنى اوى والفكره عاجبانى ولا كانه قعد معانا كلنا على قهوه بلدى وقعدنا نتكلم على اللى فى بالنا وحكينا والكتاب اتالف
:thumbs_up::thumbs_up:
انا هنزل اعمل سيرش عن الكتاب الرهيب ده
ولو مش موجود هشوفه على الانترنت اكيد
شكرا على التوبيك الجامد

khaledido
02-19-2010, 11:29 PM
اولا احييك على تقبلك لكل الاراء
و انصحك بقرائة كتب ساخرة للكتاب السابق ذكرهم




انشاء الله هحاول فى الفترة الجاية






لازم تفرق
الناس بتنتقد الكاتب
مش بتنتقدك انت
انت عملت اللى عليك وجبت الكتاب
الناس بقى بتنتقد اللى كتب الكتاب
مش اللى كتب الموضوع
:)



اوكى انا فاهم .. بس بعض الناس ارائهم كانت شديدة اوى ..المفروض حتى ابداء الرأى يبقى بهدوء شوية




فى فرق بين الكتابة الساخرة بالعامية...و بين كلام القهوة

بلال فضل وعمر طاهر كتاب ساخرين
لكن بيكون فيه فكرة معينة و أسلوب نوعاً ما لائق وفى نفس الوقت ساخر..وفى نفس الوقت بتضحك

لكن الجزء اللى قرأته من الكتاب ده...صدقنى ممكن تجمعة من سائق تاكسى أو من كلامك إنت و أصحابك على القهوة...و هتلاقى نفسك بتكتب حاجات أحلى من كده


وعلى فكرة....دى آراء..ومش ضرورى إطلاقاً إن عشان الكتاب عاجبك...تلاقى الناس داخلة تقول جميل ورائع
الكتابة أدب...والأدب فكر وفيه رأى و رأى آخر و أذواق و تفضيلات و عوامل كتير بتخلى آراء الأشخاص مختلفة

شكراً على الموضوع الجميل






عندك حق .. بس لو كل واحد كان قال رأيك زى ما حضرتك وضحك كدة . كان هيبقى احسن .. بس يلا مش مشكلة .. ومتشكر لردك




حصريا و فى ايامنا بس بنات الليل بقو مطربات ..وطبعا هم اللى حولو
الاغانى الرومانسية والشجن وحتى المقسوم لشوية عبارات ومعانى فجة وفاجرة و كلها ايحاءات جنسية صريحة

ايه الكلام الجامد والجميل ده
ولا شباب مصر كلهم بصوت واحد بيتكلموا
انا الكتاب عاجبنى اوى والفكره عاجبانى ولا كانه قعد معانا كلنا على قهوه بلدى وقعدنا نتكلم على اللى فى بالنا وحكينا والكتاب اتالف
:thumbs_up::thumbs_up:
انا هنزل اعمل سيرش عن الكتاب الرهيب ده
ولو مش موجود هشوفه على الانترنت اكيد
شكرا على التوبيك الجامد



هى دى دماغ الناس اللى شبهى .. اللى تقريبا اول مرة يشوفوا كتب بالشكل دة .. لكن المشكلة ان فى ناس تانية اظاهر انها متعمقة اوى والكتاب دة بالنسبالها تافه فكانوا المفروض يراعوا فرق الوعى الادبى وهما بيقولوا رأيهم .. لكن الى داخل يقولى انا عبقرى وبكتب احسن منه .. طيب يا سيدى ربنا يوفقك ونقرأك حاجة قريب

USERNAME
02-20-2010, 12:44 AM
هى دى دماغ الناس اللى شبهى .. اللى تقريبا اول مرة يشوفوا كتب بالشكل دة .. لكن المشكلة ان فى ناس تانية اظاهر انها متعمقة اوى والكتاب دة بالنسبالها تافه فكانوا المفروض يراعوا فرق الوعى الادبى وهما بيقولوا رأيهم .. لكن الى داخل يقولى انا عبقرى وبكتب احسن منه .. طيب يا سيدى ربنا يوفقك ونقرأك حاجة قريب



اولا : انا يشرفنى انى ابقى بنفس الدماغ العبقريه دى طبعا
:wub:
ثانيا : الكتاب مش محتاج انى اتفلسف او انى اعمل انى هيكل او مصطفى محمود ولا احمد زويل

انا شاب فى العشرينات من عمرى عاوز اعرف القواضى اللى بتناقش بلدى دلوقتى مش بس هقعد بقى ااقول السياسه والبورصه وغزه وفلسطين واتوقف عن الباقى
لا بيتيها لى فى حاجات قويه اوى زى اللى كلنا بنتكلم عنها فى الكافيهات اللى بنبقى عليها
فى الشاتات على الانترنت
فى الثيردات اللى بنفتحها فى المنتديات
فى البلاى ستيشن
وفى سهرتنا
وهو ده اللى الكتاب بيتكلم عنه بيتكلم عن المشاكل والقضايا اللى موجوده بالشكل اللى يناسبها بالكلام عنها بدون اى مجامله ولا نفاق ولا اى كذب او تزييف للحقائق
:hmm:
ثالثا : بالنسبه للناس اللى بتقول لك بقى بنكتب احسن منه
هى فين الكتابات دى ومظهرتشى للنور ليه لحد دلوقتى
ياما اكتر الاقلام والاوراق فى البلاد
:grindance:
والناس اللى بتقول الالفاظ مش محترمه والاسلوب فى الكتابه مش كويس

احب ااقولك ان صلاح جاهين لما كتب الرباعيات محدش كان عاوز يفهمها ولا يقبلها حتى
ودلوقتى بقوا يغنوها ويحبوها
وكله فى الاؤل كده
:yes:

INVISIBLE
02-20-2010, 02:36 AM
لازم تفرق
الناس بتنتقد الكاتب
مش بتنتقدك انت
انت عملت اللى عليك وجبت الكتاب
الناس بقى بتنتقد اللى كتب الكتاب
مش اللى كتب الموضوع
:)

:thumbs_up::thumbs_up:

elhamy
02-20-2010, 03:36 AM
هو شكله لذيذ والبوستر جامد اوى بصراحة .. هو أينعم اوفر فى بعض الكلام .. بس ده ميمنعش انه كويس .. شكراً ليك

AHMED HOSNY
02-20-2010, 04:42 AM
لكن الى داخل يقولى انا عبقرى وبكتب احسن منه .. طيب يا سيدى ربنا يوفقك ونقرأك حاجة قريب


اللهم امين

khaledido
02-20-2010, 11:56 AM
Thanks All Specialy UserName (http://amrdiab.net/forum/member.php?u=2245)